قصـيدة ..ازمـــة اراضـــي
 

[poem=font=",6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] ياوطن هو صدق بك ازمة اراضي?=وانت حضنك حضن.. ياسعنا براحه!!
بالخريطه شفتك من الناس.. فاضي!=ممتلي بس ممتلي.. بر ومساحه
كل قطعة ارض.. تشّر بك وتاضي=مابها سكان او حتى.. فلاحه
احتكرها تاجر ومشاه قاضي=والاسيره للوطن تزعج.. صياحه
ياوطن.. صارت اراضيّك مقاضي=يحتكرها تاجر باسم.. استراحه
لا تشوف التاجر يهينه.. وراضي!!=لا تصد وانت.. تشرب من قراحه
ياوطن الزمهم بسعر.. افتراضي=ومن تعدى السعر لاتطلق سراحه
كيف تترك من لعب فينا وخاضي؟=وين هيئة هالفساد.. ووش كفاحه؟
مانبيك تقول.. ذا فايت وماضي=حاسب الفايت ..وحاضرنا.. وجراحه
ياوطن دامك.. بحب الشعب حاضي=لاتحرم الشعب.. من ضحكه مباحه
انت وافي ايه.. وكتوفك عراضي=شلت ناس وناس.. تنتظرك صراحه..
[/poem]

سالم الشمري... طرح وأي طرح موآآآظيع تطرقت اليها بالصميم أجل شاعر شجاع..!

تفننت وبأسلوب راقي تحدثت عن حال الكثير من المواطنين وصدقني سمعناها وبأذن الله

ستصل للكثير مسؤلين ومستثمرين وغيرهم ... أشكرك بأسم الغيارى على أوطانهم سلمت ياشعرنا.

قصيده آكثر من رآآئعه
ومشاركه لواقع المجتمع ومشكلاته فكانت ابيات معبره وجزله
صح لسآنك مدد بلآ عدد يآ رآآئع
كفيت ووفيت
سلمت ولآهنت ..

هنا دور الشاعر في مناقشة هموم ومشاكل مجتمعه

أجدت كثيرا يبوو السلم .. وصح لسانك واعتلا شانك


ومن شان هيك ابشر لك بقطعه ارض على اربع شوارع :)


كفو عز الله انك تستاهل يالبطل


كل التقدير يا عذب

سالم الشمري

قصيدة معانيها رائعه وجميلة
وشاعرا متميز واكثر من رائع

لا فض فوكـ

اللهم احفظ بلاد واوطان المسلمين
مشكور ياجدي

صح السانك

لله درك والله انك تقطع من صخر

صح لسانك

واجب واديته على اكمل وجه
فصح لسانك ولا هنت على هالابيات وعلى هالحس الغيور
واصل جميل الحضور واطرق كافة المجالات فقد سلكت الدرب
واجدت ...

بيض الله وجهك
كفو كفو
عساك سالم وغانم