البن والشوق
 

البن والشوق
يـــــــاخوك ذز الكيــف ولراعي الكيف
شوق لفنــــاجيل الـــــــموده تــــعنّه
حبّه وحبّه لـــــــو تــــنقّاه وتضيــــــف
من زعفران النـــــجــــــد حفنات منه
... ركّز بحمسه حيـــــــــل واياك والحيف
ابيه مثل السنبل العـــــــذب بــــــنّه
تلزني للكيف بعض السواليـــــــــــف
لا صار في قلبي من الامس رنــــــه
ذكــــــرى حميمه شوّهتها التخاريف
اقـــفت بخلن ينـــــــشد القلب عنه
يا شيب حال اللي غزته التـــــصاريف
شاعر جنوبي غازل الشوق فنّـــــــه
واليوم حاله من فراق المواليـــــــــف
عابس ولا يضحك لمخلوق سنّـــــــه
وانا بحال البــــدو ماحتاج تـــــــعريف
ماطرد سراب اللي دروبه خذنـــــــــه
ون ضقت اشب النار فوق المشاريف
مشراف ما كـــــــــل المخاليق جنهّ
جمره وصوتــــه مثل كسر الغضاريف
لا هفـــــه النسناس يــــــــزداد ونه
واحمس بها اشقر مثل لون التعاريف
والهيل يجلي غث من خاب ظنـــــــه
فنجال لا فاتك تـــــــعد التــــحاسيف
من كـــــــــف له بالكيــــف رنّه وطنه
ثم ارشفه بالهون واروي به الضيــــف
صحو الربيــــــــع بتالي البــــــرد كنه
واسكت ولا تطري علوم الملاقيـــف
لني بهذا الوقت عايش بجنـــــــــــه

شوق الجنوب

صح لسانك يالشاعره على هالمصافحه الرااائعه
وحياك الله في بعد حيي نورتي يالغاليه .

يا الله وش هالزين

والله هالقصيدة دله مبهره باجزل المعاني والصور تقهويت منه على على فجة الضو ماشاء الله عليك

مصافحة جزلة يالذيب..
بانتظارك نص اخر..

صح لسانك مليوووون..

تحياتي وتقديري واعجابي..

صح لسانك وسعداء بمعانقة
اولى قصائدك ونتطلع للجديد القادم

صح لسانك
مدد بلا عدد
تقديرى لك واحترامي

.
.


الله عليك اخي شوق الجنوب


خيال معطاء .. وتصوير فوق المستوى

شعر وكثافة .. قوه شعريه لا تضاهى .. لله درك فلقد أسرتنا بهذه المصافحه الرائعه


وبإنتظار مصافحات قادمه



اهلا وسهلا بك ونتشرف بتواجد هذا القلم المبدع



تحياتي

صح لسآنك على النص الجميل
والآبيآت الرآئعه ..
سلم نبضك واحساسك
واهلا بك ببعد حيي ,,

صحــــــــــــــــــــ لسانك
مصافحة راقت لي

تقديري لك

حياك الله بهذي البدايه

ولاهنت على هالرائعه
وبشوق لجديدك

قصيده عذبه
صح لسانك وتسلم يمينك
ولاهانت يسارك
دمت بخير