غنت مواويل العذوبه من شباط
 

[poem=font="mudir mt,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
غنّت مواويل العذوبه من شْباط = وحشرت قيري بالمراويس تفحيط
وآخذ من الملبور موشة تنشّاط = وكنّ عجّة عبرتي دون تقليط
تذرف هماليل الشواهد بالإفراط = وأكتب من جْروحي على لوح تحنيط
اللي تحايل دوننا قبل ينشاط = فرقاه كسر ٍ ما لقى قيد تربيط
عدّلت كسر وصاب قلبي تجلّاط = من وين ما طقّيتها عوج تسليط
أندب على حظٍّ توفّى بالأشواط = عزّاه يا شوقي ولا حولك وْسيط
هبّت سموم القيض عانيت ببساط = وضحكت عيوني ما غشاها تباسيط
الجرح ينزف ما لقى خيط خياط = والحال منكوبه هواها تخابيط
ليل ٍ سواده موحش هْناك يحتاط = وصوت الهوى يصفق صفيره تشاحيط
جنّبت عن درب المقفّين الأنشاط = اللي خذوا مع جادّة الدرب تفريط
[/poem]

طلال الشمري
ابـــــداع مـــالــــه مــــــدى ..
صح لسااااانك ملااااااين ...

راااائع ياطلال القافيه فيها صعوبه على آآآط أحسنت بعزف القصيده

معاني وجزاله واضحه

ابدعت في صيآغة النص
وامتعتنا بهذا النص الباذخ..
جزالة لفظ ومعنآ رآآئع دوماً
سلمت يمناك وطابت ايامك...

بيض الله وجهك
على عذب الابداع وجمال القافيه
وصح لسانك مدد بلا عدد
ولاهنت

تقديرى لك واحترامي

عدّلت كسر وصاب قلبي تجلّاط = من وين ما طقّيتها عوج تسليط


يا ويح حالي ..



الجرح ينزف ما لقى خيط خياط = والحال منكوبه هواها تخابيط
ليل ٍ سواده موحش هْناك يحتاط = وصوت الهوى يصفق صفيره تشاحيط


روعه روعه روعه .. يحتاج لها تصفيق لدقائق ..



طلال الشمري .. اسمح لي اول شي اقول انا يعجبني كثير طروقك .. كلها تطربني

موسيقى ساحره اسمعها من خلال بحورك اللي تكتب عليها دائما ..

وصورك الشعريه على مستوى عالي .. شعر للكبار نعم للكبار ..



صح لسانك يا رائع امتعتني هذا المساء



كل التقدير يا بطل ..