][ .. مزيونه ][ .. صوتيه
 

.
.


طابت اوقاتكم بكل خير وسرور ..


شعراء شاعرات متذوقين متذوقات اخوان اخوات .. إحتمال كبير أني سأغيب من يوم الغد لعدة أيام
وحبيت اودعكم ( مؤقتا ) بهذه المتواضعه .. لعلها ان تجد بعض الاستحسان ..
وان ما لقت شين عاد الشكوى لله :)

الاهداء الخاص // لكل اعضاء بعد حيي من الساري إلى خالد ..
.
.
.
.







مرَّت تبي تقْطع طريق الصاله
.......... في بالها رقصة طرب مجنونه . !

مثل الفرح يوم اقْبَلَت تختاله
.......... تخْفي ملامح شوقها بفنونه .. !

شمَّر على خيل الهوى خيّاله
.......... واطلق عنانه للغزل وشجونه . !

في خصْرها السايب كتب موّاله
.......... وارْخت لثام عيونها بعيونه .. !

جاوبْتها في نظرة ٍ قتّاله
.......... تضحك وكلمة سرّها مفتونه .. !

بسم الولع واسم الدلع واشكاله
.......... أصير انا لاغراضها كرتونه .. !

شفْت النهر يسْكب عليّْ شلاّله
.......... ليله ولا ادري جوّها وش لونه . !

في سوقها كل البنات حثاله
.......... حتى وداد بجنْبها زيتونه ... !

سكّر عنب ترْمس طرب وبياله
.......... أتْعب وانا اقول شْكثر مزيونه . !

هي سَكْرة اللي ما طرى في باله
.......... يشْرب خمر لو حلّلوا قانونه . !

أطْلب صديقي وانشغل جوّاله
.......... ما ودّي اخفي عِلْمها من دونه . !

يمكن لمَحْها واشغلت أحواله
.......... عدَّت عليه وسافرت بظنونه .. !

إقروا علي يمكن تروح الحاله
.......... أو فاتركوا عودي يجرّ لحونه .. !




.
.







http://www.mediafire.com/?a9w1c8x0ow1k0po

الصوت

رائعه للغايه
زيتونه مزيانا لاباس عليها كفايه باباي مغروم فيها
كلمات رائعه جدا ومستعجله لكن متقنه وبدات افهم الشعر اكتر من ذي قبل لدرجه حسيت انا انها شبهي :123:
رائعه للغايه ووداعيه تجعلنا ننتظر عودتك سالما
تحياتي

تسلم اخي العزيز عمر .. وشرف لي تواجدك هنا يالغالي


من ذوقك .. وما عليك زود يا بعدي


كل التقدير لحضورك وكلامك الجميل ..


تحياتي

يعيّشك :)


ممكن تكون زيتونه ديال بباي .. وممكن تكون زيتونه سودا ديال البريكفاست :) ..


لالا لكبيدا نتا ماكاينش ليك بالكون حتى شبيه .. ( والو ) :)



تحياتي وتقديري لحضورك .. شكرا من نجران إلى القريات :) رايح جاي .. مشيا عالاقدام :)

هلا وغلا بمخاوية .. وجودك يفتح نفسي وينعشني .. لاعدمتك والله


يعافيك ربي وصح قلبك اختي ..


كل الود والتقدير و ^_^

صح لسانك على هالابيات
والله يعطيك الف عافيه .

يابعد روحي انت وين النيه

وبعدين وش قصدك من الساري الى خالد يعني انا برا التشكيله انت وخشك ههههه

بس تبي الجد القصيده قنبله لله درك وصح لسانك

واذا دربك علينا سير ترى لك خوي

ماتغيب الا عن الشر
لله درك ياخالد
بروحك بحظورك بشعرك
كلك حلا
صح لسانك ملايين
وعلا شانك
ولاهنت
تقديرى واحترامي

ترسم بالشعر اجمل اللوحات
وتلونها بصدق احساسك ومشاعرك
صح لسانك مدد بلا عدد
... ودمت بألق ..