قيس يتوجد يزعّج الهم باهات=وجيوش صدره في خفوقه تناحت
يقول من عينه سهيره ولا بات=يوم الخلايق بالمنام استراحت
ياعين عيدي بالنظر كل مافات=وشوفي سنين العمر وشلون راحت
مرت علينا في ثواني ولحظات=لمحت بصر واسرع من البرق لاحت
ليال جتنا بالهنا و المسرات=وليال منها عبرت الموق ساحت
يما خذت عيني من النوم غفوات=ويما تمادت بالسهر ماستراحت
نبني قصور احلامنا بالمجرات=وليا صحينا من حلا النوم طاحت
سرب الاماني غردت بالمتاهات=على غصون الياس والغيب ناحت
المسعد اللي مادرى بالمسافات=ولا عد كيلو مع خطوط تماحت
ماجرب المشوار بالدرب ساعات=لين ان كبده من غثا البعد فاحت
يامستريح البال لدهر ميلات=أحذر ترى لليلٍ سواتره زاحت
ولو قلت ابسلا واسرق الوقت بسكات= الناس لو تدري براحتك صاحت

الـمـسـعـد الـــلـي مـادرى بـالـمـسـافــات
ولا عــد كـيـلــو مـع خــطــوط تـمـاحــت
مـاجــرب الـمـشــوار بــالــدرب ســاعــات
لـيـن ان كـبـده مــن غـثـا البـعـد فـاحـت

صح لسانك ياقيس ويسلم هالنبض الراقي