يامشغلن قلبي
 

استبيحكم العذر لكثرة المشاركات
فلم اترك فرصه للخوان
تقديري لكم جميعاً

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يامشغلن قلبي عسى الله يجازيك=حتى الكرى من نوم عيني خذيته
وش حيلة اللي يسهر الليل يبكيك=حرق جفون العين دمع(ن) بكيته
حلمي تلاشى ونتهى صبر مغليك=وش عاد ينفع دام صبري قضيته
اقول يمكن هاجس الحب يدعيك=وترقا معي..بالمرقب اللي رقيته
تكثر على رجم الهقاوي مساريك=وتقراء نشيدٍ في غرامك هجيته
واقول.. يمكن في طريقي الأقيك=واعلمك بالدرب عن ما لقيته
اشرح لك الماضي واذكرك ماضيك=حتى تذكر جرحي.. اللي رئيته
واخذك بدروب المأسي وأسليك=واقول ذا دربٍ برجلي مشيته
الوعك.. بالحب حتى يبكيك=واعطيك منديلٍ بدمعي سقيته
واقول توك في غرامي واجافيك=حتى تشوف اشلون حالي طويته
راجع غرورك قبل تظلم لياليك=قبل يروح العمر وتقول ليته
العام يومني على الود شاريك=بعت الوفا بغرورك اللي جنيته
خنت الوفا يخاين العهد بيديك=انت السبب في كل جرح(ن) حويته
فتش بصدري بين الاضلاع تنعيك=كل المشاعر ولاحاسيس ميته
اقول!!!مات القلب ماعاد يعنيك=خلاص حبك من ضلوعي محيته
لو اطمع أن القلب يرجع ويدعيك=داخل لهيب النار بيدي رميته
لو ادري أن قيسْ المواجع بيشكيك=جدعت راسي.. تحت رجلي وطيته!!!
[/poem]
قــــيــــس

اكثر من جميله شاعرنا القدير قيس

صح احساسك المتدفق عذوبه وجمال ,,,,,

وافر التقدير

صح لسااانكـ يا الغالي قيييس
لله درك ابيات جزله ورائعه للغايه لاهنت

الشاعر قيس
منظومه زاخره بمعانيك

دمت في سماء الشعر محلقاً

صح قلبك ولسانك وقافك

تقبل مروري

الشاعر قيس الحسيني صح لسانك رائعه وهطول ماطر حد الارتــــواء ... نترقب جديدك

دايمـــ
صح بدنك
ودايم على القوه
خالص التحاااياااا
وتقديري لك

على نيه
صح بدنك
لا خلا ولا عدم ردك
على نيه
تقديري لكي

شااااعرنا القدير محمد اديهم
صح بدنك
لاخلا ولا عدم ردك
تقديري لسمو شخصك الكريم

صح بدنك
حلا
تقديري لكي
اختي الفاضله

بنت القصيد
صح كلك
دمتي بردودك
ودام عزك
تقديري لكي

صح قلبك
وكلك يابعدي
لا خلا ولا عدم اشراقتك
شاعرنا الغالي طلال
خالص التقدير لك

ولد القصيد
صح بدنك
وانت اروع
لاخلا هالحظور
تقديري لك