لوعه وجرحين!
 

صباحكم ورد ..
أن شاء الله انكم بخير وعافيه
ابيات طرن علي من الارشيف

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حسبي عليك الله علامك خذيتي=من عقب مانا في حياتك وتغلين!
وين الغلا والحب ؟ والا سهيتي!=وين الحلوم اللي عليها تنامين؟
وين الكتاب اللي بنومي قريتي؟=وين الرسايل ... والصور ... والدواوين؟
وين القصيد اللي بقوله بكيتي؟=وين الحبيب اللي بحبّه تموتين ؟
وين الزواج وخطته يا حكيتي؟=كان الطلب شهر العسل يم برلين!
وين الزهور اللي بدارك سقيتي!؟=(هذي زهور الحب واهلال معطين!!)
وين السهر والود واحروف بيتي=اللي عليها باللحن لي تغنين !
كل الكلام اللي ذكرته نسيتي !=يعني خلاص اليوم! نبقى بعيدين!
يعني نعيش بحلم وانتي دريتي =بأن المصير أفراق لوعه وجرحين!
يعني خلاص ؟ بعالمي ماطريتي*=ما عاد ينفع لو لفيتي تصيحين!!
عسى حياتك مثل مأنتي بغيتي=وانا على المولى نصيبي ويكفين!
كم رجيت القرب وانتي خطيتي=خاب الرجاء .. يامترفه لاتقولين !
مع السلامه من غلاي انتهيتي=روحي بدربك يالغلا لاتمرين!
[/poem]

:

.

/

وسلامتكم

هلال الشمري

ياهلا بهالطله
هلال الشمري
صح لساااانك وسلم بنانك
قصيده جميله وحاولت الاقتباس ووجدت كل بيت
اجمل من الثاني وتحكي فراق الاحباب جمع الله
شملك بهم تقديري لك وخااالص شكري لك

تسلم يمينك يالجزل هلال الشمري
لا فض فوك
اكثر من كذا روعه مافيه

صح السانك وسلمت ....وقصيده جميله
موفق اخوي الشمري

تسآؤل يفيض بالوجع لأحلام رُسمت من غيم ثم بآتت سراباً ..
رغم ماتنطق به الأبيآت من ألم الا أنه نص رائع
يحمل شموخ رووح وسمو نفس
أمتعتنآ بحق..شعر وشعور
لله درك
طبت وطآبت أيآمك ,,,

نص عالي المستوى
هلال الشمري
راقي وزاخر بالشاعرية الفذة
صح لسانك ودام حسك ورقي حرفك
يعطيك الف الف الف عافية

صح والله لسانك يالذيب

جزله من راس جزل

لله درك كم اطربتني هذه الابيات

وين الزواج وخطته يا حكيتي؟=كان الطلب شهر العسل يم برلين!
وين الزهور اللي بدارك سقيتي!؟=(هذي زهور الحب واهلال معطين!!)



هلال الشمري شاعر متمكن
ابيات جميله وابيات جزله للغايه
استمتعت وانا اقراء ما خطته اناملك الانيقه

هلال الشمري
صحح لسانك
نورت المنتدى ومن طول الغيبات جاب الغنايم