مخــــــاطــــــبه الـــــــذآت!!
 

مخاطبه الذات دئماً يحب الشاعر الرجوع الى نفسه
بمخاطبه ذاته فطلعت الابيات دمتم بقراتها


[poem=font="times new roman,6,,normal,normal" bkcolor="transparent" bkimage="" border="none,4," type=1 line=0 align=center use=sp num="0,black""]
ياقيس وشبك في معانيك مكتاض=لا تستوي ياقيس قبل النجاضي
هات القلم وأكتب ترى خاطري هاض=والصدر مل من الهموم الرباضي
صارت همومي سحب وجهودي أفياض=ماحولت منها ترده أفياضي
بيني وبين الوقت عاقد ونقاض=أمسيت به مذنب وهو صار قاضي
ياما حكمني حكم ظالم ومغتاض=وياما عصيته واسفرت بالتراضي
مره يصدربي على صافي الحاض=ومره يوردني ضحول الحياضي
وانا من النوعين راوي ومرتاض=حتي يذوب الوقت في مر حاضي
واسقيه من دلو المعاند اليا فاض=واقول له ما كان بالأمس ماضي
ياوقت.. من ضم أضحى جمرة القاض=تشويه مع حر السموم أرماضي
ابشتكي لمنهو للارواح قباض=مالي على حكم الايلاه اعتراضي
والصامد اللي بين الاضلاع نباض=ضمد جروحه وللهموم التغاضي
دليل نو الغيث.. برقه اليا ناض=والصدق مصباح الدروب العراضي
وأصبر.. في بعض المواجع والأمراض=اخير من قرب النفوس المراضي
ناسً لها في منهج الخبث مركاض=ياسرعهم عند العلوم الغضاضي
وأخذت من دنياي درسن وميعاض=من واقع الدنيا خذيت أتعاضي
منها تعلمت التسامح والاعراض=والصد عن شوف الوجيه البغاضي
[/poem]

قـــــــيــــــــــس

؛

الله ياقيس أسمح لي ان أبقى متفرجاً,,,,,كفى بتعلق العيون يغني عن التعليق

صح لسانك
ابيات رائعه
لاهنت

كلمات سلسه بسيطه معنى يلامس الروح والمشاعر

صح كلك على بعضك

تقبل مروري ولك ارق التحايا

قيس الحسيني
صح لسانك على نزفك الرائع
دام احساسك ودامت روعة قلمك
كل التحايا لك

خاطبة نفسك بحكم لاتصدر الا من شخص حكيم وواعي
صح لسانك على الدرر سلمت وسلم بنانك شاعرنا القدير

تحياتي ...

صح بدنك
على نيه
رضاي سعادتكم ورضى عما نطرح
طبتي وطابت ايامك ولياليك
اختي الغاليه
لكي خالص الشكر
وتقدير

دامت ايامك بسعاده لاتنتهي
خالص التقدير اخي اللجاوي
تقديري لك

الله الله الله
قيس وماآدراك ماقيس
رااائع وخالقي بدع جزل ياجزل سلمت وسلم منطوقك

قافيه ووزن ومعني
مدرسه للشعر انت
صح لسانك وعلي شانك
ولاهنت
تقديري

ماشاء الله تبارك الله ع الابيات و القافية
شاعر متمكن الله يطرح في شعرك البركة
امتعتنا والله صح منطوقك ولاهنت ..