قالو لي شمر
 

مع التحيه والتقدير للجميع
[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


من هاجس(ن) يحميه طيب النوايا=ياخذ من الموقع شموخ الاحاسيس
روحي وشريان الغلا والخلايا=تنبض وفا خلف الضلوع المحابيس
زعمي ليا دق الضلوع الحنايا=ياخذ لشمر با الثريا مقاييس
والفعل يعطي للقصايد عطايا=ويحطم ارقام الثنا والمتاريس
قالو لي شمر قلت شمر مزايا=قالو لي شمر قلت شمر مدابيس
قالو لي شمر قلت شمر طنايا= قالو لي شمر قلت شمر سناعيس
قالو لي شمر قلت موت ومنايا=قالو لي شمر قلت نار ومقابيس
قالو لي شمر قلت كسب وسبايا=قالو لي شمر قلت ماهم هلابيس
قالو لي شمر قلت جمع وسرايا=قالو لي شمر قلت روس ومراويس
قالو لي شمر قلت فعل وسوايا=قالولي شمر قلت عز ونواميس
قالو لي شمر قلت خط وخطايا=لاجا نهار(ن) ما يحشم المفاليس
قالو لي شمر قلت ماهم ضمايا=مايشربون الا قراح الهواجيس
قالو لي شمر قلت حيد وزوايا=مثل الجبال الراسيه با التضاريس
[/poem]

الشاعر مرزوق محمد الرمالي

صح لساااانك
ونعم بشمر ونعم بك
وكل القبائل ونعم بهم
كتبت فابدعت
تقديري لك

صح لسانك
قصيده رائعه جدا استمتعت
وخاصه انها عن قبيلتي
الله يسعدكك

؛


صح لسانك شاعرنا قبيله تستحق كل الثناء تاريخ وعراقه

ابن رمال لله درك
ابداع مميز دوم كتميزك
صح قلبك وكلك

صح لسانك اخوي
والنعم فيك وفي شمر
ابيات جدا رائعه
لاهنت

كفو و النعم فيك وبشمر كافة ولاتهون باقي القبايل الاخرى
قصيدة رائعة وسعيدة بمعانقتها هذا الصباح
وصباحك ..سناعيسي

والنعم بشمر ولاتهون باقي القبايل
لوحه شعريه شآمخه بآذخة الجمآل
سلم الفكر والبنآن
ولآهنت ,,

:
:


نص رآئع
لبوحك جزيل الشكر والآمتنآن








:
: