[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قيس يتوجد حارب الوقت والدار=ببقى خلاوي راس والكيف طايب
يالليل انا وياك والهم والنار =وجمر السنين اللي بصدري شبايب
ودلال محكوره بها كيف الامرار= وفنجال لوعات السهر صار رايب
الدمع ماها والصبر بن وبهار=ومعبارها صدرن ضلوعه حطايب
أجرع طعون الوقت حنضل وصبار=من علقم الدنيا روينا مصايب
صارن ضلوعي للهواجيس مضمار=وشين البخت خيل(ن) ذيوله سبايب
تكانفتني وأعلنت حرب وحصار=لين أحتواني جيشها والكتايب
وأخذت للي مع غيبة الشمس مغوار=حتى وقفت بعالي الجال هايب
وظليت أحسب الوقت وادير الأفكار =من وين مالديت شفت العجايب
ورسمت بألوآن الشفق همس الأشعار=من لونه الخمري ودم الصوايب
نقشتها بارجم سيره وتذكار=على صفات الشوق والنور غايب
يوم المساء غطا محيطات وأقطار=وادلج ظلامه مثل صفر الركايب
شبيت نار البوح مع صوت غيثار=صوت الشمال اللي يغيض الهبايب
يالليل خذني في سما الوجد مشوار=بين النجوم المرقبه وسحايب
هناك بانهي قصتي وأطفي إلنار=واطوي بساط الهم بكفوف شايب
[/poem]

صح منطووقك على هالابيات العذبه
يسلم يمناااك والله .. مبدع دائماً
ربي يسعدك ولا يحرمنا جديدك ..

الجزل/قيس الحسيني
صح لسانك ونبضك ملايين وطاب فالك ياقدير
لاهنت وبيض الله وجهك
تحيتي وتقديري

صح لسانك واعتلى شانك ووفق الله بنانك لكل خير
ابيات رائعه بجماليتها وسهولة اللفظ و المعنى
حرّم الله يداً نسجت هذا البوح الرائع على النار
وأذاق الله لساناً نطق بهذا الإبداع ثمار الجنة وشرابها

وجمـر السنيـن الـلـي بـصـدري شبـايـب

وفنـجـال لـوعـات السـهـر صـــار رايـــب

ومعـبـارهـا صـــدرن ضـلـوعـه حـطـايــب