ياحلو طلسم كاهن الشعر بالغيب
 

الى من نكن لهم التقدير وانتم العزوه والفخر

[poem=font=",6,coral,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يازير قافك هلهله عزوة كليب=ولا هي غريبه في زمانًً يهوّل
ياحلو طلسم كاهن الشعر بالغيب=ذرّه مع الأرياح مثل التسوّل
ياطير لا ترقى بروس المراقيب=في رجم هاجوس الليالي مطوّل
يهاجس اشعاري تجيب المواجيب=اذبح ذبيحة شوق عندك وحوّل
واليا لقيت اللي يسمونه الطيّب=امسك على شداده وبالك تحوّل
وبرّك سنام المرجله للمعازيب=وأفرّد سنامه عن قرينًً مشوّل
اللي على ساس المراجل لواهيب=ماهو ضريراً من علاجه يموّل
ولاعاد نفرق اسحم الوجه من ذيب=يضحك بنابه في زمانًً مهوّل
وليا برك حاتم على لقمة شعيّب=ماهي غريبه يازمان التهوّل
قد قالها قبلي رجالن محاريب=اللي على شدات صبره يطوّل
(خوينا ما نصلبه بالمصاليب)=قد قالها منهو بفعله يقوّل
وللي يشوف الناس شكه على ريب=عز الله انه مبعد الحظ خوّل
لاساد شعرك ونقلب عارضك شيب=اضحك على الدنيا وخلك بأوّل
رحنا على نيه هل الطيب بالطيّب=يكفي سنام المرجله ما أحوّل
[/poem]
قيس

قصيده ارق من الرقي
مبدع بكل حالاتك

لا عدم
دمت متالقا وشاعرا متميز
ننتظر جديدكـ اكيد

ونعم والله بك
ياقيس
ماتجيب يالعزوه الا اللى يقود الوجه
صح لسانك وجاد بنانك
ولاهنت

تقديري واحترامي

صح لسآآنك حتى الرضآ
شآعرنآ قيس
للأبيآت الشآمخه الوافيه والرائعه
لوحه شعريه جزله وراقيه ..
ونعم بك وسلمت ولآآهنت ,,,

الشاعر قيس

صح لسانك قصيدة مرهفة

نظم رائع وحضورا راقي وشامخا

تقبل تحياتي

العنووود صح بدنك
الله لا يهينك اختي
الفاضله
مرورك بحد ذاته تميز
تقديري وشكري لكي

جعلك دايم مستور الحال
صح بدنك
مدد بلا عدد
تقديري وشكري

اختي الفاضله
وسبعه انعام فيه
ولا عليكي زود اخت رجال
صح بدنك
شاعرتنا القديره
تقديري وشكري

عقاب القوافي
ما عليك زود
يالقرم
صح بدنك
والله لا يهينك
تقديري وشكري لك شاعرنا القدير

على نيه صح بدنك
مرورك اشرق به المتصفح
تقديري وشكري لكي

الخلاوي
صح بدنك
تشرفت بردك الرائع
تقديري وشكري