الخيل والصحرا تشوق المناعير
 

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الخيل والصحرا تشوق المناعير = اللي لهم فوق النوايف عطيّه
بين الربيع وبين مشي المغاتير = وطاسة حليبن شاربينن عذيّه
وخوّة نشاما بالطراوه مسافير = يمناك يوم الوقت ضيّع نقيّه
يفرق هزيله عن معاطي هل الخير = اثقالن احكاهم نفوسن غنيّه
اللي يشدّ النفس والروح تصبير = وتاخذ علومن بين دقّ وجليّه
إلسانك إحصانك بوسط المساطير = وكلّن كسب مفعول مجنى المطيه
لا تحقر المعروف لو بالتصاغير = واحذر سواليف الدنس والرديّه
وكلّن وما رافق من الناس والغير = والناس تعرف وش مواري خويّه
أفتح مجالس بالكرم والتباشير = والعود لا عثور نفح جاذبيّه
لا خير في مجلس قليل المسايير = وش عاد ترجي من وراه الحميّه
شبّ الغضى لا طاحت الشمس بعصير = نارن تواقد في خفوقي لضيّه
واضبط لنا صفر الدلال المباهير = عن لجّة الخلق اسكتي يا شقيّه
سامرت ليلن شاقني دون تفسير = ياما سهرنا بالحلاوه سويّه
على قمرنا ودّنا لجلها انغير = بعدك عذاب وغنجتك هي بليّه
حبّن على وضح النقا والمشاهير = منقوش باسمك بالضلوع الغذيّه
وناخذ مع النجمات جولات تفكير = وسط المرابع والورود الهنيّه
يا صاحبي ما بالحنايا مقابير = عيبن على الرجال يكشف غثيّه
يا لايمي بالبرّ والشوق تصفير = نفسي بها تطرب وروحي شذيّه
ويا حاسبن جوّ البراري مخاسير = هي سلوتن بالمنتهى مخمليّه
هذا هوى بالي ليا لعلع الطير = يستاسع الخاطر على كيف حيّه
[/poem]




وسلامتكم أخوكم / طلال حمود الاسلمي

:
:

الله يعطيك الف عافيه
على هذا النزف الراقي
مااجملها من ابيات جعلتني اقف في حيره كيف ارد على هذا
المكنون السخي من شخصك
صح الله لسانك ي الذيب :)
دمت لنا مبدع
وانتظرعزفك وبـــ شغف








:
:

صح لسآآنك ملايين
شآعرنآ طلآل
للأبيآت الأكثر من رآآئعه
لوحه شعريه ذآت جمآل بمعنآهآ
ومبنآها ومفردآتهآ الثريه والعميقه
سلمت ولآهنت ,,,

اللي يشدّ النفس والـروح تصبيـر

وتاخـذ علومـن بيـن دقّ وجليّـه

إلسانك إحصانك بوسـط المساطيـر

وكلّن كسب مفعول مجنـى المطيـه

روعة روعه بيض الله وجهك طلال

بيض الله وجهك على هالشامخه
شاكرين ومقدريين