يدمع سحاب الشوق
 

[poem=font="Mudir MT,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يدمع سحاب الشوق في تالي الليل = والبرد يسكن بالضلوع الحدايب
أسامر إنجومن معا طلّة إسهيل = صرنا مع الأحزان ربع وقرايب
لا زان وقتي وابتدت شمسي اتميل = سجّيت في ذكراك والحظّ خايب
القلب مفطورن من الذّل والويل = والبهجة اتسابق بعدّ الركايب
من يوم قفّوا صار لضيق تقبيل = يمسي ويصبح وسط سود الهدايب
أجي مكانك وأنتظر لك مراسيل = وين الوعود الزايفه بالطرايب
أرقى على ضلع الخيال المظاليل = عسى نسيم الحبّ يطرق هبايب
شوفي عيونن ساهراتن مخاييل = العين شابت واسود الراس شايب
ارسل لك ابياتي ولو مقدر اشيل = صوتي من الونّه ضعيفن وعايب
أنثر دموعن فوق خدّي هماليل = لا شفت بأرض الغير مشي الحبايب
أسئل وكنّي من جموع المهابيل = وأردّدك بالصوت والقلب ذايب
وان كان تبغي قصّتي بالتفاصيل = أكتم من الصيحات والحال سايب
عندي من اجروحك قدوع ومعاميل = وعندي من الصدمات سدّ ونوايب
الدار في عيني غريبة مداخيل = اهله غدوا واظلم سماها نكايب
عكّازتي في مشيها مابها حيل = تقول من راح اعذره بالسبايب
ما كان للبعد الطويلي له انكيل = وش حاجتي بالناس لا صرت غايب
سلمن ضوا والربع بيدينها اتغيل = ما همّني لو كان دمّي ضرايب
سجّيت عن لجّ السواليف والقيل = اللي سوالفهم تجيب الخرايب
خلّوني إلحالي مع الليل والهيل = وفوق الصدر جمرن تواقد لهايب
ارجع ترى ما عاد به باقين حيل = كافي غيابك طال والجرح طايب
[/poem]




للإستماع / http://up.top4top.net/d_9c790b816b1.mp3





أخوكم / طلال الشمري
تعليقاتكم ونقدكم على الأبيات والصوت
ما هو الا شرف لي

صح لسااانك اخوي طلال
وعلا شااانك

قصيدة رائعه جعلك سااالم
وننتظر الجديد بشوووق

أبيآت آكثر من رآآآئعه
نص شعري جميل استمتعت بمصافحته
ابدعت شاعرنآ طلاآل
صح لسآآنك وسلم الاحسآس والبنآن ..
طبت ,,

تحدييييييييييييييث

لا هنت ي الغالي
ابيات جزله ي راقي
مفردات لغويه مميزه
مميز دائما