الذاكره والتفاريق
 

الله على الذكرى وطول التفاريق
الذاكره. لوتنغسل. واغسلها

ياغايبه والفكر يسجع طواريق
فيك اختلي عن جملة الناس والها

عندي مقامك غير كل المخاليق
انقا لك عروق الغلاء واختزلها

كنك دعوج موالفات الشواهيق
حورك تطابح بالهدب من خجلها

عكشٍ على الوجنه مطابح تفافيق
تبطحت وولامها من عجلها

توت المضايا شفتك والعسل ريق
ياليلة القمراء وفيضة نفلها

غرة مهاةٍ حققت بالمدانيق
تزبنة حزم الحجر عن سهلها

ارتاح لك واحن لك حيل واضيق
لاغبت عقلي كل حاجه ذهلها

اهجر دلا لي والرجال المطاليق
ماواطن قصور المدينه واهلها

لو عاتبوني فيك بعض المطافيق
حلو البلح عنهم بشامخ نخلها

واللي يحسب الحب نكته وتعليق
شخصية العاشق حرام انتحلها

طول غيابك يامغضغض زماليق
حبك غدى روحي وجوفي نزلها

يامقبله بجوار بيض المصافيق
تفهق معنقك الطويل وتشلها

ويامقفيه بالضافيه من تساويق
يم الخصور الصايمه ويتحملها

لي بان مثل معرجنات المشاريق
سقاهن الهطال وايضاً غسلها

علقتي المقنَع بليا علاليق
من شاف ماشفته تدهور واكلها

لوشفت غيرك مترفات الغرانيق
الله يخلي كل وحده لاهلها

شعر متعب الفارس بن طواله

لك الله يامتعب
ماقول غير صح الله لسانك
وهذا البيت جاء ع الوتر
دام عطاءك مستمرا للهمس وقوافيه

عناقيد الجوري
بدربك

لافظ فوك
على الابيات الجزله
بوركت فيما خطه قلمك

تسلم ياطويل العمر
لا هنت

شاعرنآ القدير متعب بن طواله
لوحه شعريه متألقه وعذبه
وهتان حرفك بلل الصفحه جمال
دمت بكل هذا الابدااع يآ راقي
وصح لسآنك مدد ,,

شاعري

متعب بن طواله


لله درك على هالطول البهي

سلمت اناملك وصح كلك لا عدمناك

فاتنه وجزله من راس جزل

سجل الاعجاب كله


تحيتي ...

اشكر الجميع هناء
وكلي امتنان لكم اخواني خواتي على مروركم العذب
جمل الله احوالكم
والله يسعدكم

تقديري لكم

الله عليك
شاااعرناااا القدير
صح الساااان وجااااد البياااان
اجمل التحاااايااا لشخصك الكريم

لك شكري وتقديري
اخي الحسيني

صح لسانك يابن طواله
قصيدة من الجزل
سلمت ولا ندمت ولا هنت

اشكرك ولك كل التقدير
امتناني لشخصك
الطيب