|
أسافر حزن
إذا لك شف في شوفي .. ترانـي على شوفتك .. صحيـت الأمانـي زرعت الشـوق كلـه بـ انتظارك و أخذت الانتظار و جيت عانـي نسيت الناس لكن .. مـا نسيتـك عجزت أنساك حتـى لـو ثوانـي مليت الكون و أشغلت الجوارح نظر عيني .. سماع أذني .. لساني عطيتك شيء ما هو عند غيـرك و لا قصـرت .. لكنـك أنـانـي ...! أنا أحبـك .. و إذا ودك تـأكـد شف الله كيف بـ يدينـك هدانـي ..! غيابك صعب و الأصعب وجـودك وأنا فـ الحالتين .. أتعـب و أعانـي حبيبـي لا تواخذنـي .. و لكـن أبيك تحـط نفسـك فـي مكانـي إذا جيتـك و أنا مشتـاق تقفـي تجاهلنـي و كنّـك مـا تـرانـي و إذا صديت عنك و قلـت أبرحـل وقف قلبك على البـاب و دعانـي و لو سويت نفسـي مـا أشوفك يميل القلـب صوبـك و يحدانـي أنا يا ابن الحلال أصعـب حكايـه كتبني الوقت .. لكن مـا قرانـي ...! مضى عمـري وتقـدر تعتبرنـي غريب .. وفي زمن ما هو زماني زماني راح مع نصفي .. ونصفي نسى نفسه مع الوقـت و نسانـي أسافر حزن .. والصحبـه ثلاثـه أنا .. والصبر .. وسهيل اليماني و إذا مريـت فـ بـلاد الطفـولـه فتحت الصدر للحـزن و طوانـي هنا .. دمعه جرت من عين جاهل هنا .. لاقيـت هـمـي و الـتـقانـي هنا .. باعتنـي الديـرهـ وأهلهـا هنا .. ضحيت لـ فـلان وجفانـي هنا .. حاولت أصيح وما سمعني سوى بعض الشوارع والمبانـي أنا يـا سيـدي .. دقـه قـديمـه بغيت أخذ من الوقت .. وخذانـي على الأنقاض واقـف دون حيلـه أشوفك وجهتـي بيـن الموانـي تعال .. و طـف بـ يدينـك حنينـي تملكني .. و أنا أشعل لك حنانـي تعال .. و ضمني يـا تـاج قلبـي دخيلـك لا تخلينـي .. عشـانـي أنا شاعـر عيونـك يـا حبيبـي مع التحريف في بعـض المعاني ( و ما نيـل المطالـب بالتمنـي و لكن شوفتـك كـل الأمانـي ) محبة صـادق النيـه .. قصايـد و محبة ساقـط النيـه .. أغانـي قسـم بـ الله لـو موتـي بـيـدك و أموت ألفين مرهـ مـا كفانـي و إذا باقي من الطلقات .. طلقـه دخيلك .. حطهـا بيـن المحانـي |
قسـم بـ الله لـو موتـي بـيـدك
و أموت ألفين مرهـ مـا كفانـي و إذا باقي من الطلقات .. طلقـه دخيلك .. حطهـا بيـن المحانـي برقنا البراق لله درك يا شيخ انت رائع وحسب تحيتي ... |
الغالى برق
سلمت على هذه الذائقه وصح لسانك ولاهنت تقديري واحترامي |
هلا وغلا بشاعرنا القدير
واخوي الغالي بندر منور بحضورك طال عمرك والله يرعاك ولاعدمناك |
هلا وغلا بشاعرنا القدير
واخوي الغالي عقاب منور بحضورك طال عمرك والله يرعاك ولاعدمناك |
يالله ياحلوها هالقصيدة وياكثر ماسمعتها من قناة الصحراء
وبصوت رائع وهادي وهذا رابطه http://www.youtube.com/watch?v=aVHQbaTWr7k يالبرق أنت قمه في إختيارك العذب ياعذب الله يعطيك العافية ولا بك حيله ياعذب |
يسلم قلبك واحساسك على دا الانتقاء
الجميل شاعرنا المُبدع ، عوآفي خيو الله يسعدك ولا يحرمنا روعتك يّ أمير ، |
هلابك النسمات
تسلمين على الراابط الرااائع والحضور الاروع دمتي بكل خير الله يرعاك ولاعدمناك |
مرحبا بك شمعة الحي
أختي الغاليه وتم منوره بتواجدك ربي يرعاك ولاعدمناك |
"
"برق آلبروق" وحضور يختصر آلعذوبة بسطور سلمت وسلم منقولك ي عطر |
مرحبا
بسيدة الحضور الرقيق إختي الفاضله (غدق ) وحضورك كالنور والعطور سعيد بتواجدك يانقاء طبتي |
عندما يتساقط المطر وتنزل قطراته
وتبتل الارض وترتوى تنمو الازهار وتخضر الارض ويصبح الجمال بخضرتها وانت مثل المطر تهطل كلماتك على القلوب وترتوى لها الشرايين وتبتهج لها القلوب مثل ينابيع المياه العذبه عذب المعانى والالفاظ رقيقه العبارات لله درك ابدعت واطربت القلوب بذائقتك لك شكري وتقديري http://sherazade.s.h.pic.centerblog.net/8dh3aums.png |
مرحبا بااختي الذوق
الفاضله ذوق الحنان منوره بتواجدك العذب والمميز الله يرعاك ولاعدمناك |
سلمت يمينك على ماخطته لنا
ولاتحرمنا جديدك تحياتي بـ عبق البنفسج .. دمت بسعاده |
منور اخوي الغالي
أرحلي لاعدمتك ولاعدمت طلتك النقيه يانقي |
| الساعة الآن 03:46 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010