فياض الربيع
 

بسم الله الرحمن الرحيم

دون عقم الحدود وفي فياض الربيع
كل من ضاق من جو البلاد نحره

رزق ربٍك بلآ منه هبه للجميع
عد الاعشاب حمداً للولي واشكره

يالله انك تشَّبْع كل بطنن جويع
وترزق اللي يبي ستره وكيل شهره

الله اكبر كبار السن مع كل ريع
كل شيخٍ مثل قوس الرماة ظهره

ليه ياعازت الايام وش هالصنيع
الوقار يتعثر بالشجر وصخره

فوق محفارته يبني عظامه وجيع
دوب يقدر يدنق للكماء لحَّفره

يعتزي يوم ينهض بالقديرالسميع
ينطق الفقر بعيونه وفي مظهره

يجني الفقع ماذاقه ويرجع يبيع
ويذبحه سومة اللي عذربه وحّقَره

لجل حاجة عجوزن له وقوت الرضيع
ساج هرم القدم لوالعيون اصّغَرَه

ياعليم السراير باب رزقك وسيع
يكسرالعظم فقره وانت اللي تجبره

سد حاجة مثل هذا بجاه الشفيع
عندك الحق والميزان والمحبره

شعر/متعب بن فارس بن طواله

صح بوحك شاعرنا الانيق والذوق
متعب بن طواله
اسم يتربع علي عرش الشعر الجزال
حـروف قد تشبعت با المعاني الراقيه
وأنـوآر كلمات أضاءت مابيـن
السطر والسطر ..
وأسكرتنـا حلآوة عبـاراتكـ ..
أبدعـت كثيرا
سلمت يمينكـ

http://petitemimine.p.e.pic.centerblog.net/3902bb38.png

صح لساانك شاعرنا
قصيده جميله
تسلم يمناك على ابداااع قلمك
شكرا لك

يسلـم بوحـك
ودام نبض قلبك ونزف قلمك
لروحك حدائق الياسمين

:
:


نهلت من عذب حرفك حد الآرتوآء :)
كلمآت وابيات رآقيه برقيك
ذآئقه رآئعه من روآئعك الدآئمه
قرآت معين حرفك وآدركت أن للآبدآع هنآ حكآيه
سطرتهآ لنآ بكل جمآل لامتنآهي
شكراً بحجم السمآء أزفهآ لك

:
:

صح لسانك شاعرنا الراقي
ابيات رائعه امتعتنا بها
سلمت يمينك
ساره

صح لسآنك شآعرنآ القدير
للنص الجزل وسلمت يمنآك
ابدااع وأمتآآع
لآهنت ,,,

صح لسانك يالخال ابن طواله
لاعدمناك
يابعدي