منتديات بعد حيي

منتديات بعد حيي (https://www.b3b7.com/vb/index.php)
-   منتدى هَـمْسُ القَـوَافِي (https://www.b3b7.com/vb/forumdisplay.php?f=17)
-   -   عتق رقبة ياسر الشمري (https://www.b3b7.com/vb/showthread.php?t=124354)

طلال حمود الاسلمي 04-22-2014 07:46 PM

عتق رقبة ياسر الشمري
 
بسم الله الرحمن الرحيم
السلام عليكم ورحمة الله وبركاته






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] شمر وشمر وادبل الصوت صوتين = يا حي طاريهم عيال الطنايا
لهم على الامجاد مجد وبراهين = يجذب لغيثه ضاميين البرايا
مزنه كريم وبالمكارم ميامين = من حاتم الطائي ودوك الحكايا
القبله لحايل وغيره فلا دين = تفهق جباله بالسعد والهدايا
وان مسنا جور الزمن بالأمرين = ناقف جميع ولا نهاب المنايا
الشمري في كل ديره بها عين = والشمري من كل ديره عصايا
طناخة عقاله ليا ميل يمين = تصغر كبار ٍ تحت ظله بكايا
لا صك صلب السيف بالسيف حامين = وصاح النظير وفار دم الحنايا
حنا لها نورد على النصر ضامين = من بطشنا نوسم وسوم وسوايا
وش لون لا صاحت طليبة رجا اللين = ترجي ولدها بالفرج والحلايا
فجة نحر ثوبه من البعد والبين = وباضت عيونه بالحزن والنحايا
ونة كما ونة خلوجٍ لها حين = لا طاح قرص الشمس ماله بقايا
مطلوبها سدّ الديه بالملايين = وبعيال شمر عزوته والطنايا
مشي دموعك وافردي هالحجاجين = وبراق سنك يلتعج بالمرايا
دام الطواله بالمروات حيين = من عهد ضاري لين تال الحجايا
وافضى مشل فيصل عليها من الزين = وقال ابشري بالعون عذب السجايا
تكاتفت شمر وقالت لك العين = ياسر ولدنا وكل شمر زوايا
ما هو كلامٍ ننقله للمزايين = الفعل يحجب عيد ضي الضحايا
وما هو بنا اللي يتقي عقب ميبين = وما هو بنا اللي حالكين النوايا
يالله يا منزل لنا آية الدَّين = تنفّس لياسر وتدمح خطايا[/poem]





صوتيه :-
http://goo.gl/8P8mIT


فيديو :-
http://goo.gl/TMJQjD

الغند 04-22-2014 09:39 PM

صح لسااااانك
وعلا شانك
وشمر يالبى قلوبهم الكرم الحاتمي من عاااااداتهم
تسلم اخوي طلال الله يوفقك

همس الجنوب 04-23-2014 03:48 PM

الله بفك اسر ياسر ويرجع لاهله سالم معافى
صح لسانك شاعرنا
ويعطيك العافيه ولاهنت

ماجد الحربي 04-23-2014 10:26 PM

صح فكرك ولسانك

جزله ومن راس جزل وشمر يستاهلون المدح وهم أهلا للمدح . والثناء

يعطيك العافيه

رواء الروح 04-23-2014 11:50 PM










والنعم بشمر
قصيدة رائعة من شآعر متمكن
والله يفك اسر يآسر ويرجع لامه سآلم ان شآء الله

وتم بعيد 04-24-2014 03:31 AM

طلال
يسلّم منطوقك شاعرنا المميز على
روعة الابيات ، وربي يفك اسرو ان شاء الله
إلهي يسعدك ولا يحرمنا جديدك يّ أمير ..،


الساعة الآن 10:40 AM.

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily