قصيدة*بالخميس
 

راح الخميس الي نحبه ونغليه
الي اليا قرب جمعنا الغراضي
تحلو به القيله وله لذتن فيه
وتلقا الصدور اوساع والكل راضي
وكم طيبن من صبح يومه نخاويه
نمشي ندور الصيد بكا الاراضي
على اشهبن بطران ما فحطو فيه
شاصي علا الصحراء صبورن رياضي
امجهزه بس للمقانيص راعيه
يافات وقت اسهيل والبرق ناضي
تلقا لنا بخدود لوقه مداليه
ونبرم علا فيحان وكا الفياضي
والقرص بل مله نحطه ونشويه
والبن الاشقر تو مسويه قاضي
امبهره بألهيل وعوده مشويه
بدلال بيض والمذالق عراضي
وقدوعنا من حلوة الجوف ناقيه
غيدن غذاها من السري والحياضي
والسبت ماحبه ولا حب طاريه
عيد اليهود ولي عليه اعتراضي
وعزلله ماني ناوين طلعت فيه
لو كنت انا من كل الشغال فاضي
ها لوقت هذا كل شين خرب فيه
حتا السبوع اتغير يا ابو راضي
ولا لوم من يبكي علا زين ماضيه
من يذكر الماضي يجيه انتفاضي
ولو ينشكي عصر الشقا كود نشكيه
ويجلس لنا يامعذب الحال قاضي
اما غلبتن وترك الحقد مااطريه
ولا غلبتك واطلبك كل ماضي /



الشاعر/ خصر صقر الجبيلي الشمروخي

صح لساانك
ولا هاان شانك اخوي خصر
كل الشكر لصفحتك المتميزه
لا عدمنااك

"

صح بوحك وكلك شاعرنا


نورت بوجودك




تقديري واحترامي

أبيات جميّله
صح لسانك شاعرنا
ويعطيك ألف عاااافيه

خصر صقر الجبيلي الشمروخي
صح الله السانك
ياعساك للقوه والعافيه

اختك نواره

حياك شاعرنا خصر لاهنت قصيدة تدخل القلب بلا استئذان لجزالتها ولكمية الابداع التى بها ... على هذه القصيده
الرائعه ... صح لسانك ولله درك وعلى شانك والله يجعلك على القوه