الزين بيِّنتٍ رسومه يا علي
 

الزين بيِّنتٍ رسومه يا علي
وإن القمر غير النجوم اللي معه

والخيل اعرف اصيلها من تقبلي
وعرف عفريِّ الظبا من مدمعه

والبيض شاسع فرقهن لا تسألي
الزين وهبه والكريم موزعه

الزين حلوٍ دايمٍ دله حلي
ألذ من طش السحاب إبمنقعه

والشين شين الله يعين المبتلي
إن قابلك تفرح متى الله يقلعه

وجدي على نجل العيون الأكحلي
النفس به مجبورةٍ ومولعه

راعي ثمان مرهفات ذبَّلي
بيضٍ تلالا حدر طرقة برقعه

غضٍ من الجنس اللطيف مكملِ
الله وأكبر يا جماله مروعه

زينه بلا مكياج وبليا حلي
زينٍ طبيعين ولا يستصنعه

أحلا من العفري تهايا وجملي
الزين بطخمته وسلبة مفرعه

إن هج مع صيد الخلا ما يجفلي
ماهو بعيد إن الجوازى تتبعه

والله ما عنك خفيه يا علي
من يوم كلمته وانا قلبي معه

الشاعر/ سليمان بن صالح الهويدي

انتقاء اكثر من رائع
سلمت وسلمت ذائقتك العذبه
،،

صح لسان شاعرها
وتسلم يدك
ويعطيك الفين عافيه
ذوق راقي شاعرنا
الراقي
يسعد قلبك
تحيه عطرها المشموم


http://papillon1964.p.a.pic.centerblog.net/y7hgmr2u.png

على النيه

انتي أرقى

دمتي كماتحبين

سليكو

ماعليك زووود

تسلم ياذوق

ذوق الحنان

شرفني مرورك العطر

تحياتي