منتديات بعد حيي - !بنت الحمايل ياحيي!

السلام عليكم ورحمة الله وبركاته
عساكم ابخير الجميع

وضعتها لكم عسى تنال الاعجاب

بنت الحمايل ياحيي قيدهـا اسلـوم =
والبنت ميزتها لا صـارت عريبـه
اللي نهار الهوش تاقف مع القـوم=
لا طشت الثـام الاصالـه مهيبـه
اخوانها لامـن تعـزوو بهـا دوم=
حلّـو كبـار المعضـلات الرهيبـه
من دونها فرسان شجعان وقـروم=
اللي لها شيخـن تحظـظ نسيبـه
دوّر على اللي لا تغرّبـت محشـوم=
تحفظ شعر وجهك ولاهـي تعيبـه
مستورتن باخلاق ماهيـب بهـدوم=
اللـي رديّ القـوم دايـم تريـبـه
اللي تعزك لا غدا السوق به سـوم=
سوم الشرف سوم الطهر سوم طيبه
اللي معاها دايـم الـدوم مخـدوم=
هذي سعد منهو تجي من نصيبـه
ماقول انا بنت الحمولـه يازيـزوم=
يقوله اللـي شايفـن بـي طليبـه
الظرف يابن الناس واصلك مختوم=
يامثمّن الهرجـه تراهـا مصيبـه
وان جات للضيقه فلا طالك اللـوم=
الضيق له ذيبـن بصـدري قنيبـه
محدن قضا عمره بلا ضيق وهموم=
هـذي علينـا بالليالـي ضريبـه