منتديات بعد حيي - صدّقيني جاك واحد من عيالي

مو غريب ان كنت اسولف لي لإنّي
كنت اسولف وضعي الحالي لحالي

كنت اهذري بك قصيد و كنت اغنّي
كنت ابروز حزني المرمي قبالي

كنت ادوّر بالكتابة شيء منّى
انزف المفقود و احفظ ما صفا لي

والله انّه لو خذاك الوقت عنّي
ما خذاك فيوم عن صفنات بالي

ابتعدتي لكن احساسك سكنّى
شوفي رايات الهزيمة و احتلالي

كيف اروح ؟ و حبّك الطاغي سجنّي
وين اروح ؟ و طيفك اقرب من ظلالي

انكسح وجه الحنان فقول حنّي
كم تعالي أمطرت منّك تعالي

غلطتي كانت غلاك بلا تأنّى
غلطةٍ لازالت اجمل ما بقى لي

مري فبال الحنين و حزن ظنّي
و شوفي الدنيا الكئيبة من خلالي

و اخذي اوراقي و احاسيسي و فنّي
القصايد ضيّقت صدر الشمالي

فيك ما نلت القصايد بالتمنّي
القلم يجري على ما قد جرا لي

ممتلك حق الأبوة بالتبنّي
للحزن للضيق و لسود الليالي

فلو يجي لك حزن ! هذا الحزن منّي
صدّقيني جاك واحد من عيالي

راقت لي ..