قليلة أدب ؟؟
 

[align=center]بسم الله الرحمن الرحيم

مسائكم ورد

..............

ربما يستغرب شخص ما .. حينما أصف الأشواق بــ قليلة أدب

ولكنها هي كذلك .. فحينما تستيقظ الأشواق للحبيب في مكان غير مناسب

في ( مجلس الرجال مثلا ) بين الأصحاب والأقارب

فإما أن تعامل الحظور كما تعامل الحبيب إذا كانوا من أقارب الحبيب !!!!

أو أن يظهر عليك الصد وعدم المبالاة بالحظور إذا كانوا لا يمتون للحبيب بصلة !!!

وفي كلتا الحالتين تكون الأشواق تسببت لك بالإحراج فهي هنا فعلاً .. قليلة أدب

......................

أليكم القصيدة
...........
...[/align]


[poem=font="Simplified Arabic,6,red,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
قــولــوا للأشـــواق يوم إنه (قلـيلة أدب)=وأنا بوســـــط الرجـــــــــال تجيبها يمي
وإن كـــان مــاتدري الأشواق حنا عرب=وأنا بدوي بالهــــــوى وآغـــار من دمي
وشلــون تظــهر بطــيفه تسـتـجر الهدب=وهـــــذاك خالي وأشــــوف مقابله عمي
لا والمصـيبه طــــواريها تجيب الطرب=وأنا معــي دلتـي وأخـــــــــاف من ذمي
ياويل الأشــــــــواق لاجاني ملام وعتب=مـن شــــايبٍ ما يسـامح لانقــــص جمي
أخــاف أبهـر دلالـي لــه.. وأجيب الرطب=وأمـــد فنجـــــالي وأقــــول لطيفها سمي
وش يرضي العود لاطيّر عيونه غصب=وهــو شــــايبٍ كـــــايدٍ بالسلــم ومطمي
ومن حـاسب الشوق يوم انه بقدري لعب=ومن صــــــارطيفه شقاي وكيفي وهمي
أشوفها الهـيل قبل يجـــيه صــــالي لهب=وأشــوفها تســـترق ذوقــــي علـى شمي
وأشـــوفها النار لا ثارت بذاك الحطـــب=وأذوقـها بشفـّت الفنـــجال فــــــــي فمي
قولوا للأشــــــــواق لو فيها بقايا أدب=لاصـــــــــرت وحدي تجيب الغاليه لمي[/poem]





[align=center]وأعتذر عن الغياب والتقصير

أخوكم / فالح الناهي[/align]

[poem= font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
أخاف أبهر دلالي له.. وأجيب الرطب=وأمد فنجالي وأقـول لطيفهـا سمـي
وش يرضي العود لاطيّر عيونه غصب=وهو شايـبٍ كايـدٍ بالسلـم ومطمـي [/poem]
[align=center]
فالح الناهي

رائعه من رائع.. صح ألسانك وقلبك وفكرك
.
.

لاهنت.. ننتظر المزيد![/align]

فالح الناهي
صح لسانك .. قصيده في غاية الروعه
ننتظر المزيد
سهر

جزله والجزاله ملفاك
صح لسانك وبنانك وشعلا شانك لاعدمناك

اشواقي لك

صح والله لسانكـ
ايها المبدع
فالح الناهي
ننتظر جديدك الطاهر

يسعد مساك وصباحك
فالح الناهي
صح لسانك ياطير شلوى

هلا وغلا فيك يا فالح

صح نبضك الصادق .. وقلبك الوفي

ولا عدمنا هذه المشاعر الجميلة ابيات راقية يكسوها الجمال وتعانق الوفاء

فكل الشكر لفيض نبضك

ودمت بخير وسعادة

قولوا للأشـواق لـو فيهـا بقايـا أدب
لاصرت وحدي تجيـب الغاليـه لمـي

صح لسانك شاعرنا بصراحة كلمات قويه واكثر من رائعة سلمت يمناك وانا معك الاشواق قليلة ادب ههههههههههههههههههه

الله لايحرمنا من اشعارك الحلوه واتمنى ان ارى لك المزيد

تقبل مرور

احلى عيون

فالح الناهي
صح لسانك يالذيب ماقصرت
قصيده تحفه معانيها قويه
ووزنها موزونه
طاب فالك

فالح الناهي

كلمات رائعه

ابدعت



صح لسانك

وسلمت اناملك



تحيااتي

فالح الناهي

رائعه من رائع.. صح ألسانك وفقك الله
بانتظر جديدك

لبيه

الـشـاعـر الـرائــع فالح الناهي

لله درّك و بـيـض الله وجـهــك عـلـى هـذا الأبـداااع

قـصـيـده أكـثـر مـن رائـعـــه

صــح لـسـاااانـك يا غالي

تـحـيـاتــي لـك لا هـنـت

وش يرضي العود لاطيّر عيونه غصب
وهو شايـبٍ كايـدٍ بالسلـم ومطمـي
ومن حاسب الشوق يوم انه بقدري لعب
ومن صارطيفه شقاي وكيفـي وهمـي
أشوفها الهيل قبل يجيه صالـي لهـب
وأشوفها تسترق ذوقـي علـى شمـي
وأشوفها النار لا ثارت بذاك الحطـب
وأذوقها بشفّـت الفنجـال فـي فمـي
قولوا للأشـواق لـو فيهـا بقايـا أدب
لاصرت وحدي تجيـب الغاليـه لمـي

الله اخوي فالح بوح عذب
كلام بسيط شفاف يدخل الى القلوب بكل اريحيه ونقاء

اختك تميمه

صح لسانك .. قصيده في غاية الروعه