صدره شمالي يحتضن كل مهموم
 

صدره شمالي يحتضن كل مهموم
..........من صلب وايل والطنايا خواله

ترحيبيه بقدوم ملك القلوب /الملك عبدالله بن عبدالعزيز
الى احضان الوطن

نشرت بجريدة الرياض صفحه كامله بتاريخ
5/7/2007 م اتمنى ان تنال استحسانكم


[poem=font="Simplified Arabic,7,darkblue,bold,normal" bkcolor="transparent" bkimage="backgrounds/27.gif" border="solid,5,sienna" type=2 line=0 align=center use=ex num="0,black"]
يالله يالمعبـود يافـارض الصـوم =
=عليـك يـارب العبـاد إتكالـه

يارب لولا رحمتك صـارت علـوم =
=صكّت بنا العدوان شرق وشماله

يارب صلّينا لك الخمـس باليـوم =
=تحمي بلادي أرض مهد الرساله

لك يالمواطن الفـرح حـل بقـدوم =
=صقر العروبه يوم حطّت إرحاله

أبعد همومك مابقى انسان محـروم =
=عاد المليك لكـل قلـبٍ صفالـه

جاكم أخو نوره سند كـل مظيـوم =
=ريف الضعيف وفرحة اللي عناله

صدره شمالي يحتضن كل مهمـوم =
=من صلب وايل والطنايا خوالـه

مليكنا طير السعـد حـر زيـزوم =
=أرواحنا وقـت الشدايـد فدالـه

نرقد وعينه لاجلنا عافـت النـوم =
=والد رحـوم ومعتبرنـا عيالـه

يامرحبابك عـد ماتنشـي غيـوم =
=واعداد ماهل المطر من إخيالـه

واعداد ماصك بسماها مـن نجـوم =
=واعداد مافي أرضها من جبالـه

بقلوبنـا مسكنـك ياسـيـدي دوم =
=وفراقكم يصعب علينا احتمالـه

غالي ولا يلحقـك يالوايلـي لـوم =
=وافي بفعلك ياعريـب السلالـه

للخير في وجهك علامات ورسـوم =
=وللمجد بافعالك نشوف الدلالـه

كل مسلمٍ ساعدتـه بشـي معلـوم =
=لوهو بعيد أوطان ترفى خمالـه

طيّب . شديد .وواضح النهج مفهوم =
=أرسيت ياملك القلـوب العدالـه

عادل ويلمس عدلكم كـل مظلـوم =
=حكّمت شرع الله في كـل حالـه

يمناك سلطان السعد كلّـه عـزوم =
=شبل الأسود وكل مجـدٍ زهالـه

أخوان نوره بـاوّل العهـد لليـوم =
=زال الضلال بحكمهم والجهالـه [/poem]


الاطرق بن بدر الهذال

أبو بدر

صح السانك وياليت الي يلقاك يالغالي ..

ابداااااااع وربي يشهد الله انك مبدع
يالاطرق
الهل لايهينك يالعزوه
صح فكرك يالطيب
واطال الله عمر ابو متعب يستاهل

الاطرق بن بدر الهذال
صح لسانك اخوي على هذه الابيات الجميله
الله يطول عمرابو متعب ويديم عليه الصحه والعافيه
سهر

فواز الغسلان

لاهنت على تكرمك بالمرور

ملايين الشكر ماتكفي لك

تقديري لك يابو فهد

الاطرق الهذال

قصيده في قمة الروعه لاهنت على ابدعك الجميل


تحياتي

الله يحفظ ابو متعب ويخليه لنا

صح لسانك الاطرق آل هذال ..

تحياتي لشخصك الكريم..

طلال الشلاقي


صح بدنك اخوي العزيز

غالي اخوي طلال والقلوب عند بعضها

وانا والله اتشرف بشوفتك يالغالي

اسعدني مرورك الكريم

الف الف شكر لك


تقبل تقديري

يجنن

تسلم الوف وملايين

اسعدني وجودك في صفحتي المتواضعه

الف شكر لك اخوي العزيز


تقبل تقديري

صح السانك
صح السانك
ملايين

سهر


صح بدنك ولا هنتي اختي الكريمه


اسعدني مرورك الطيب


ملايين الشكر لك


دمتي بألف خير