|
ناصر الفراعنه يفجر شاطئ الراحه ( فيديو )
السلام عليكم ورحمة الله وبركاته مساء الشعر على قولة دارلين ياعين ابوي :) ناصر ناصر ناصر فجر شاطئ الراحه بالشعر الجزيل تفضلوا القصيدة ناقتـي ياناقـتـي لاربــاع ولاسـديـس وصليني لابتي مـن وراء هـاك الطعـوس حائلاً رابع سنه من خيـار العيـس عيـس خفهـا لادرهمـت كنـه بالنـار محسـوس في دجى خالي خـلا لاحسيـس ولاونيـس تنوخذ من شدة البـرد طقطقـة الظـروس في عيوني يكفخ الطيـر ويطيـح الفريـس وانتهض جساس من دون خالتـه البسـوس وفي خفوقي فرخ جنيتاً يضـرس ضريـس يوم اوردهـا هجـوس واصدرهـا هجـوس ديرتي دار ابن ضاري وابن غثلـم جريـس ديرة اللي دوجوا فـي فيافـي نجـد جـوس ديرتـي يابنـت شيخـاً ومعدنهـا نفيـس عيطموسـاً دونهـا دثرتنـي عيطـمـوس جادلاً مطرق جسدها مـع الغربـي يميـس طينتاً مـن تربـة الخلـد والـدم محمـوس نقشت خمساً من الخمس في يـوم الخميـس ليت شعـري مـا ارادت بهـذا دختنـوس كـم تمنـا إن معـه مثلهـا فتنـه بليـس كان يمكن قد قلـب نصـف إمتنـا مجـوس كن دماث الصدر منهـا كنيسـه او كنيـس صومعة رهبـان ديـراً يـؤدون الطقـوس آتقـوس مـع تقـوس نواهدهـا وإقيـس قبتين قـاب قوسيـن قوسـاً جنـب قـوس خصرها يحكي لنـا واقـع القـوم التعيـس وردفها عن غطرسة بـوش يعطينـا دروس وبالرغم مـن قصرهـا مايجالسهـا جليـس تصبح أطول نسوة الارض في وضع الجلوس العروسه ماتبي غير ابـو تركـي عريـس العروسه نجـد ماهيـب حـي الله عـروس نجد بنت المجـد ونسـة مونسـة الونيـس ماعسفها الا معزي ضحى اليـوم العبـوس كل اهل نجد هلي من إجاء حتـى الخميـس في ذراهم بـالتجي عن مجففـة الرسـوس وعيشتي مابين أسوداً ولـو مانـي رئيـس (خير من كوني رئيساً على شلقـة تيـوس) وليس عيباً إن خدعني بمكـره كـل هيـس لان مايفهـم بمكـر الهيـوس الا الهيـوس مصطفى فـي مأدبـة عمـه البابـا لويـس كبر اللقمه تحـت ضـؤ حمـراء الكـؤوس وطسم حدتها على حائـط المبكـى جديـس يوم شقـت ثوبهـا بنـت عفـار شمـوس سيدة هـاك القصـر أسمهـا الاول لميـس دونها سمر الحناجـر بترهـا حـد مـوس قسقسـة لاحرارهم.قيس.قيس.قيس.قـيـس والبستهم مـن مهانتهـم انـواع اللبـوس بين خدعة كعـب اخيـلاً ومولـد ادونيـس درسونـا الالهـه والمـدرس هـنـا روس ويش لاقوا من قناة السويس اهل السويـس وويش لاقوا من تلمسان قوماً من سنـوس كلهم من شـدة الجـوع راحـوا خندريـس بين غيبوبة مخدر وصحوة عـرق سـوس ثـورة راحـوا سببهـا بتـوع الاتوبيـس وش نبي فيها وهـي ماتهـز الا الغـروس آفة المرء اثنتان الف كـاس وحـب كيـس والنفوس اليا بغيـت اتعرفهـا ارم الفلـوس ينكشف زيف الشعارات الى حمي الوطيـس ترجع الاذناب إذناب وتبقـى الـروس روس صدق لاقال العرب مايحـوص الا الخسيـس ولايوط الروس شئياً مثل ضعـف النفـوس القصيده للتنزيل صيغة الجوال: http://www.zshare.net/download/632037027e15ae/ وهنا على موقع اليوتيوب: http://youtube.com/watch?v=4as89usexAw عشوق |
ووووووووووووووه ياعشوووووووووق
عسى ربي يسعدك على القصيدة والمقطع بس ماعرفت انزل مقطع الجوال؟؟؟ الله يعافيك لاهنت اخوي |
لااااااا خلاااااااااص
حملته شكرا شكرا لاهنت كل اهل نجد هلي من إجاء حتـى الخميـس في ذراهم بـالتجي عن مجففـة الرسـوس وعيشتي مابين أسوداً ولـو مانـي رئيـس (خير من كوني رئيساً على شلقـة تيـوس) وليس عيباً إن خدعني بمكـره كـل هيـس لان مايفهـم بمكـر الهيـوس الا الهيـوس |
يسلمك ربي عشوق
لاهنت يالاخووووو رروووووووووووووعه اختيار موفق دمت بود |
تسلم ايدك والله يوفقك
|
ياهلا بالجميع
زارتنا البركة والله عشوق |
هع هع هع
منذو مبطي حملته خخخخخخخخخخخ ناقتي ياناقتي لارباع ولاسديس وهـ بس يازين شعره ماشاءالله ان شاءالله يفوز الفراعنه هع هع الله يعطيك العافيه العشقاء على طرحك الرااائع |
حيالله اجوديه نور شاعر المليون بطلتك شاكر حضورك الروعه |
...ياحيي وش هالحماس ..صرت اصفق ما شفتوه كنت نيمه ذيك الليله توني اشوفه
ياحيي وش هالشاعر ..عويشق ..ياحيي صوت له يا حيي انت ههههههههههههههههههههههههه بس تقل سب الهيوس عويشق صح سب هههههههههههههههههههههههههههههههه ياحيي ودي اصفق مدري شعور جاني ودي اصفق هههههههههههههههههههههههههههه |
الهيوس أنواع هههههههههههههههههههههههههه والله ودي أصوت له بس عقالي مايل يالحورية منوره بطلتك الغاليه |
عيبني حضوووره والقــااائه ..
حتى قلتلهم اكييييييييييد هو اللي بيتررشح وبيطلع من الاثنيين .. و ضحكت عليييه وع سووااالفه ورربشته .. :000: مشكووور عشووووق والله يووفقهم . والظاهر سعوودي هالسنه بيااااخذ البيرق:m5asmilies-com: |
اقتباس:
مرحبا الساع :m5asmilies-com: حضوره رائع وإلقائه أروع .. يسلمك ربي سنوفتنا الغاليه على طلتك الذوق وان شاء الله البيرق لسعودي عشوق |
| الساعة الآن 08:27 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010