|
نجوم السماء كنه عن الفجر منحاشه
[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,6,black" type=2 line=0 align=center use=ex num="0,black""]
سرى الليل والخافق غـثيث الزمن حاشه=سـهـيـرن لعله يـشـعل الصبح فـانـوسه اذا نام جـفـنــن جارح العـشق ماناشه=توالت على قـلـبه بلاويه وهـجـوسـه يـراقب نجوم الليل والناس بفراشه=يراجي شـعـاع الفجـر يظهر سـنـى قـوسه نجوم السماء كنه عن الفجر منحـاشه=وتسمع لحن سجـع الـعـصافـيـر بغروسه واخلي فراشي والـمـعـالـيـق مـنـداشه=واباعـد عن ربوع الشـمـاتات وجـلوسه بصدري مثل طق الشواكيش بقراشه=او اللي تطـق طـبـول الاحـباب بعـروسه واذا ضاق صدري ينبع القاف من جاشه=واراهن على عـدل القـوافي ومـنكـوسـه اجنب هزيل القاف والسقط وقشاشه=بـيـوتـه عن غـلـوط الشواعـير محـروسه نقيته عن المنقود في طاش ماطاشه=ولااشـريه مثل اللي قـوافـيـه مـدسـوسه ولااسري على قاف العرب مثل خفاشه=سروقن لـمـثـمـون الـقـوافي تقل سـوسـه ولايستحي ينشر خزيزه على الشاشه=غدى الشـعر بـيـعـة تاجـرالخـوخ والكـوسه بالاشعار عدي كبتن القاف والباشه=ولاهـي من امـثـال الـرجـاجـيل مـبخـوسه اذا شفت هـمـي بالحشى بان نتاشه=نـثـرت الـمـغـثـه جـوهـرن لاح بـطـروسـه لعله يعـلـل خـافـقـن ثـار لـولاشـه=هـجـوسـه تخـلـي خـاطـره دايـمـن حـوسه سبايب عنودن بالحـشى ثار نهاشه=ولا مـر بـي مـثـله مـع الـبـيض وجـنوسه صوايب رموشه كنها الرمي بكلاشه=والاعـيـان مـع سـود الـهـدب غـنـج ونعوسه مع المشي ردفه يفتق الخيط بقماشه=تقول الـمـلابـس فـوق الارداف مــمسـوسه عيون المهاة اللي بالارياف معتاشه=وسط فـيـضـتـن خـضـراء نديه ومـشـمـوسه يذيره حراك الغصن من عاصفن هاشه=او الـخــوف من قـنـاص الاريـام وعـسـوسـه تهيلك عيونه يوم تجفل من ادباشه=ولاحــت له ازوال الـسـواريـح وحـسـوسـه مثل عين ريـمـن حطت الروح بانعاشه=وصـوف الـحـلا فـيـهـا كثـيره ومـلـمـوسه بوسط العرب كنه ضوا البرق بفلاشه=وجـاراتـهـا كـنــه مـن الـسـوس مـضـروسـه لك الله فلا هبنا دروبه ومـطراشه=ولو عـاش فـي ديـرة صلـيـبـه ونـاقـوسـه ظروفه غدت دون الغلا تقل منخـاشه=دروب الـهـوى تمـشـي عـلـى القلب مـعـكوسه ومن دونها ضرب المـدافع ورشاشه=مـن الـلـي عـلـى راس الـغــلا شـال دبـوسه لما طحت مع حطـاب ربعه وحـشـاشه=اريـد الـخـبـر عـن داعـج الـعـيـن بفلوسه واشوف العرب معنا كذوبه وغشاشه=تواصوا عـلى روحـن مـن الـهـجـر مـحـمـوسـه وراس الظباء مايطـرد الجوع بعراشه=ولا يـنـفـع الـضـامي جـواحـيـر ورسـوسـه حصاد العرب حنطه وانا طحـت بجراشه=وعـقـب الـسـعـد نـرعـى بـقـرهـا وجـامـوسـه انا ذقـت في حـبــه غـثـى الـبـال وابلاشه=ولافـــادنــي نـصــح الـقـــرابـات ودروســه الا ليت لو حـظـي مثل حـظ عكـاشه=مـدامـه كـسـب مـن سـيــد الخـلق نامـوسـه وانا العمر اسدد دين الايام من كـاشـه=واداري ربـوعــن كـنـهـا لــدغ نادوسـه واراجي عنودن فوقها الناس مـهـتاشه=هـنـوفـن غـدت في قـاعـة الـبـيـت محـبـوسه غدت نومتي من غـثـة البال بخـيـاشـه=حـزيـنـن عـلـى اللي شاقـني زيـن ملـبـوسـه ونصبر مدام سلاحـنـا صار مـنـقــاشه=مدام الزمن يـركـي عـلـى خافـقـي مـوسـه [/poem] |
[marq]صح لسانك اخوي فواز ...... والله ينولك مطلبك ولا هنت[/marq]
|
رائعه ولا غريب عليك الروعه
صدق لسانك ولا هنت يلبسك العافيه ابو فهد |
صح الله لسانك
راوينا فواز الغسلان |
كفو والله ابو فهد ولااسري على قاف العرب مثل خفاشـه سروقن لمثمون القوافي تقـل سوسـه ولايستحي ينشر خزيزه علـى الشاشـه غدى الشعر بيعة تاجرالخوخ والكوسـه قول فعل لله درك بس صح لسانك ملايين يالغالى ولاهنت تقديرى |
عشت ولا هنت فواز غسلان
ابدعت وتفننت احسنت |
صدق لسانك ولا هنت
|
[align=center]واذا ضاق صدري ينبع القاف من جاشه
واراهن على عدل القوافـي ومنكوسـه اجنب هزيل القاف والسقـط وقشاشـه بيوته عن غلوط الشواعيـر محروسـه نقيته عن المنقود في طـاش ماطاشـه ولااشريه مثل اللي قوافيـه مدسوسـه عميد الشعراء صح لسانك ترليوووون على الروائع الغسلانيه تقبل مروري المتواضع على هالقيمه تحياتنااااااالاخويه [/align] |
ابو فهد
راوي القلوووب راااوي الجبل لاهنت ياملك الحرف على هذه الفاتنه والاحاسيس التي تلامس الوجدااان صح الله لساااانك ياشاعرنا ملااااااااااااااااااااااااااااااااااييييييييييييين ولاهنت يابعدي لك الغلا |
اقتباس:
اخوي النبراس مشكور يالعزوه لاهنت تحياتي العطره |
مبدع ابو فهد ولك تقديري
|
اقتباس:
هلا وغلا اخوي سلمان العلي ومشكور يالعزوه لاهنت تحياتي العطره |
رائعه ولا غريب عليك الروعه
صدق لسانك ولا هنت يلبسك العافيه ابو فهد |
صح لساااااااااااااااااااااااااانك
ياااااااااااااااافواااااااااااااااااااااز |
اقتباس:
هلا وغلا بنت القصيد ومشكوره يالعزوه للمرور |
| الساعة الآن 10:21 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010