طبيب عشق \\ بقلم الشمـريه المجهــوله
 

السـ وعليكم ــــلام

كتبت هذه القصيده متأثره بقصة احدى صديقاتي

[poem=font="Simplified Arabic,5,green,bold,normal" bkcolor="transparent" bkimage="" border="none,5," type=1 line=0 align=center use=ex num="0,black""]


طبيب عشق يداوي الجرح بدموع=دموع الندم تضفي على القلب عله

أغويتني ياقلب في حـب مخـدوع=ين خداعـه بعـزة النفـس ذلـه

بذات طبعه منه العطـف منـزوع=ااكبر دليـل ٍ عـذب اليـوم خلـه

واذا غلطت بحرف يسويه موضوع=ويعوفني بالضيق وقربـي يملـه

وتركني حاير منه القلب موجـوع=متشفـي ٍ بدمـوع عينـي تهلـه

وعده سبع اعوام ماعـده اسبـوع=ومودتي ينسـاه وبلحظـه يملـه

اوقدتله اصباع يدي لـه شمـوع=وضميته وسط العين ورموشي ظله

وأستعبدن مملوك بالكره والطـوع=وكتاب عتقي بيـدي اليـوم خلـه

عدي كسير بركبة الساق موجـوع=من حر صوابه ساهر الليـل كلـه

متعوده امشي وانا الراس مرفـوع=ومايزحزن طاريك ولاعنـدي زلـه

انزع غلاك الداخل القلب مـزروع=وان عاندن حتـى صميمـي اتلـه

يلي احاسيسك لهـا عـدة فـروع=تعطي عهود وكـل يـوم ٍ تحلـه

تدري انا ويني ؟؟ مثل حبة الكوع=عارف مقامي زين ومـن اي ملـه

ابشرك مالي على البيت مرجـوع=غلاك يرحـل والكرامـة بمحلـه [/poem]

وســــــــلامتكم

بقلم الشمـريه المجهـوله

تدري انا ويني ؟؟ مثل حبة الكوع
عارف مقامي زين ومن اي ملـه
ابشرك مالي على البيت مرجـوع
غلاك يرحـل والكرامـة بمحلـه


الله الله عليك يالشمرية رائعة بكل حرف تكتبين

صح لسانك

ذكرتيني بقصيدة لي منها هالبيت

قولو لها رجوعي مثل حبت الكوع ** إن كان تبغاني تقبل كوعها


شكرا يالشمرية على هالرائعه

العزوه الشمريه المجهوله


عيدك مبارك وكل عام وانتي بخير

نص مميز وفريد في نظمه وفي معانيه

سلم هالفكر المميز والرقي في السطور

صح لسانك ملاييييييين

الشمريه المجهولة

صح لسانك ودام هذا النزف الجميل

الا ان لي ملاحظه بسيطه الا وهي في بعض الابيات يوجد خلل في الاوزان

اتمنى ان نرى طروحاتك بهذه القوة واجادة الوزن تماما


تقبلي مروري


اخوك نواف الدحام