دنياي ضاقت في عيوني حدودها
اعرف اني مقصر بالتواجد بينكم ولكن اطلبكم العذر والسموحه عن التقصير هلاليه متواضعه اتمنى ان تلاقي استحسانكم
دنياي ضاقـت في عـيوني حـدودهـا= =وسـعــادتـي مايـوم بيّن وجــودهـــا من يوم راحت وابعدت عن نواظري= =حــبيبتي . والحـال ماشفت زودها فـارقــت انا فــرحـة حـياتي بدنيتي= =والعـين عافـت من بعـدها رقـودهـا راحت وانا مقدر على الصبر بعدها= =واوجست في قلبي وكبدي لهودهــا مهموم انا ماكـن حـولي مـن البشــر= =كـنّي سجـينٍ فـي معاقــل يهـودهــا ياطـول لـيلـي كـان الأيـام مااقـبلـت= =تحـمـل تباشير الفـرح مع ورودهـا وياشيب عـيني كانها حـيل طـولت= =فـي ديرةٍ عـنّي بعـيده حــدودهــــا حـبيبتي لايمـكــن أعــيش دونهــا= =نهر الحنان اللي غمـرني بجودهـا فيها الوفـى كلّه وهي منبع الـوفـى= =تحفـظ غلاي ووافيه في عهـودهـا فيها الجمال ولا ادري شلون اوصفه= =سبحـان ربٍ صوره فــي خــدودها فيها الحـيا وفـيها الـدلال الأنثوي= =وفـيها التغـلّي لايقٍ في ركـودها الله مـحـلا عـتابهـا كان عـاتبـت= =ومحـلا رسايلها ومحـلا ردودهـا وليا همست ضاعت علومي وصابني= =شيٍ يتل الـروح مـني ويكــودهـا وليا مـشـت بين الغــنادير كـنـّها= =عـنود صيدٍ والجـوازي تقــودهـا مالاق في عيني من البيض غيرها= =في همسها وفي زينها ولين عودها يارب تحفظها وتحـمـي شبابها= =وتصونها عن نظرةٍ من حسودها وانا عليها اخاف من نسمة الهوى= =وادرى مشاعرها وحافظ سدودها يارب تجـمـعـنا بشرعــك وسنتك= =وتريّح قـلوب الوفى من زهودها عن دربنا يارب تبعد اهل الحسد= =وعيون خلق الله وتبعـد حـقودها الاطرق بن بدر الهذال |
الله محـلا عتابهـا كـان عاتبـت
ومحلا رسايلهـا ومحـلا ردودهـا بس من يقبل العتاب هالوقت ّّّ !! قليل والله تسلم ويسلم بوحك الرائع اخوي الاطرق الهذال قصيده روعه صح الله لسانك |
الاطرق ال هذال صح لسانك الله يسلمك ع القصيده الجميله دمت في حفظ الرحمن |
يـ س ـلمووو الأنـآمل اللـ ي خ’ـطت هالڪلمات الرآئـ ع ـة’ إبدآع’ |
صـــــــح لـــــســأنـــكـ ونــــبــــضـــكـ وســــلـــم فكـــرك
لـــلـــه درك يــــاشـــاعـــرنــــا المـــبـــجــــل تقـــــبـــل مروري |
الله لايضرك يالاطرق الشاعر المعروف
صح فكرك واحساسك يابعد حيي والله كفيت وفيت يلبسك العوافي |
عزالله رفيعه يارفيع الشان الوايلي
صح فكرك وبوحك |
تسلم ويسلم بوحك الرائع الاطرق
|
عشت صح لسانك ونبضك وفكرك اخي الاطرق ال هذال
لاتبخل علينا بما لديك |
ابدعت ابدعت يستر عليك يالاطرق الداهيه
::::::::::: طناياااا |
الأطرق
صح لسانك قصيدهـ رائعهـ سلمت وسلم نبض قلمك تقديري |
سلمت وسلم الله لسانك اخي
الشاعر الاطرق |
يسلم بوحك اخوي : الاطرق ال هذال
باذخه وراقيه صح الله لسانك ولا هنت .. اختك نواره الوايليه |
الاطرق بن هذال
بعيد عن القصور وربي وهلابك عدد مارش السحاب وربي قصيده رائعه كما من سبقها من درر لك صح لسانك مليون ولايكفون وعلا شانك ولاتحرمنا وجودك تقديرى |
الشاعر القدير /// الاطرق الاهذال
مرحبا ياشاعرنا الغالي انت هكذا دوماً في تألق ...وتأنق ...وروعة شعرك يحلق بنا لسماء الابداع .....ويفتح لنا آفااق الشعر فلله درك على هذا القصيدة المبدعة جزله ومن رااس جزل صح الله لسانك ملاييين لا عاد تحرمنا من ابداااعك فدية خشمك دمت بخير لا ينتهي لك مني الغلا |
الساعة الآن 11:58 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010