ما على (السباح) خوف من البحور ليا نزلًه=كان مازوًد رصيده شي ما نقًص رصيده
رحلة(ن)ياصل بها الجمه تسجًل في سجلّه=عاند الموج العنيد بقوة الروح العنيده
زاحم الموج بعناده يعقد الحبل ويحله=رافع(ن)حجم الاراده فوق والهقوه بعيده
والهجوس اللي تروس وتاصل الروس بمحلًه=ماترد الا تنوش الهام وعقول(ن)سديده
ياحروفي لامسي راس (الهرم) و(الروس) كله=وسجلي لي ياحروف القافيه جمله مفيده
يا قصيده ما بغيتك كان بحروفك مذله=كان بحروفك مذله ما بغيتك يا قصيده
الطموحات الكبيره با الجريده والمجله=وعظّة الابهام من عقب المجله والجريده
دلًعو , بنت تحدى للقلوب وتستحله=كنها ذات الجمال وكنها البنت الوحيده
والبنات الباهيات اللي لهن مذهب وملًه=كنًهن من غير حسن , ولا جمال ولا عقيده
حطمو فيهن جمال(ن)تل حبل العشق تله=حطمو حلم الليال وفرح الايام السعيده
قالو البنت(الصعيديه)شكت من جور خله=قلت قصة عشق تحزن و(الصعيدي) في صعيده
يا سواليف الغزل مابين ضيم وبين زله=ما يشد اهل الهوا غير السواليف الاكيده
ناشف الحلق يتحرا الغوث من قطره تبله=والف قطره ما ترد الروح من ناشف وريده
عذّبه طرد السراب اللي يشوف ولا وصلًه=ماترك طرد السراب ولا وصل شي يريده

سلمت ودام لنا نبض وبوح قلمك بكل

ناشف الحلق يتحرا الغوث مـن قطـره تبلـه
والف قطره ما ترد الروح من ناشـف وريـده
عذّبه طرد السراب اللي يشـوف ولا وصلًـه
ماترك طرد السراب ولا وصـل شـي يريـده



مرزوق الرمالي
صح لسانك وسلم بنانك
الله لايهينك على القصيدة الجميلة
نحن بانتظار الجديد دوما

صح لسانكــ و أعتلى شانكـــ
ياشاعرنا المبدع الله لا يهينك
على هذه القصيده المميزه
يابن رمـــال

هاوي الشمال