السلام عليكم ورحمة الله وبركاته
مساكم/صبحكم الله بالخير
يشرفني الانضمام الى هذا الصرح الشامخ وتلبية من دعاني
والحقيقه احترت من وين ابتدي وفضلت ديوان العرب
وحبيت اصافحكم بابيات شعريه



[poem=font=",7,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/91.gif" border="double,6," type=1 line=0 align=center use=ex num="0,black""]
الزمن تسكنه ذكرى بعيدين العلام=وان حكا عنهم سقا الغيث طاريهم بديمه
والوفاء والصدق من شيمة الناس الكرام=طبع صافين الضماير..قويين العزيمه
والفراق يدمّر الحب لامن طال عام=والجفا والصد لازاد عن حده جريمه
وأنتي اعذارك كثيره يازاهية الوشام=وكيف انا منك أقبل العذر.. وضلوعي حطيمه
يعني تو..يجيبك الشوق ملعون الرسام=والله انه ما بقا بالسماء للشوق غٍيمه
عقب سبع اسنين جيتي...على الدنيا السلام=البقابك..كل الاحلام ماتت ياحليمه
ما بقا في خاطري لاعتاب ولاملام=يوم طاف الوقت..ما للعتب واللوم قيمه
أغربت شمس الهوى..واسمعي صدق الكلام=لا تصحين الهواجيس..وجروحٍ قديمه
قالت: ادري ما بقالي مكان ولا مقام=عقب ماني وسط قلبك..وبعيونك عظيمه
كنت غلطانه وصدقت عذال الغرام=وأنت تدري بالعواذل شياطينٍ رجيمه
قلت:عذر اقبح من الذنب ياظبي العدام=من رضى بالظلم يدخله في بيت الظليمه
كيف؟ طاوعتيبي اهل الهروج العوج دام=تعرفيني معك وافي ونياتي سليمه
قالت:وفي خدها سال دمع الانهزام=يا حبيبي كيف ترضا على مثلي هزيمه
والله انه عقبك النور بعيوني ظلام=لاتخليني وترحل..ولك ذكرى مقيمه
كان بك حب التسلط..وروح الانتقام=شوف منظر دمع الاشواق بعيون اليتيمه
قلت:لاتبكين..لا يغرق الدمع اللثام=واحدن ما يهزه الدمع بعيونك بهيمه
لكن!! الدنيا واهلها لهم شرع ونظام=فكري..بظروفك اللي عواقبها وخيمه
قالت: ارجوك اسمع العلم.. لايطول الخصام=يا حبيبي مد للوصل يمناك الكريمه
لا تخليني كذا...وانت من ناسٍ احشام=ما يبيحون السدود..وبهم نخوه وشيمه
ودي اسهّر عيونك ليالي ما تنام=وضحكت..والحب يهزم قويين الشكيمه
قلت:يازين التواصيف.. طير الشوق حام=لازم يضيع الذي بالهوى مثلك خصيمه
كيف اقاوم حسنك اللي يثير الاهتمام=والعيون رموشها تجرح القلب وتضيمه
ياسقى الله قصة الحب الاول والغرام=قبل يكشف سره اهل الحسد واهل النميمه
علم كنه حلم مر ومفسرة الحلام=حار فيه المبصر..وحار ابو عينٍ كريمه
قالت:أنت أتحبني؟قلت:انا هايم هيام=ووجودي يوم ريح الصبا ذعذع نسيمه
ماتهون العشره الا على عيال الحرام=والجفاء والصد لازاد عن حده جريمه!!
[/poem]

المشاركة الأصلية كتبت بواسطة جبل اجا (المشاركة 700580) ابداع والله اعجزعن التعبير00 لكن صح لسانك ابن طوااااله ودام نبضك00 تقبل مروري00

المشاركة الأصلية كتبت بواسطة متعب بن طواله (المشاركة 701290) بسم الله الرحمن الرحيم صح لسانك ابوزياد قصيده وافيه وجميله جمعت بين السلاسه وقوة الشاعريه واشكرك على تلبية الدعوة تحيتي وتقديري