قصيده للشاعر/ مبارك طناء بعنوان( الحب وألوانه) مهداة للراوي/ فوازالغسلان
 

بسم الله الرحمن الرحيم
مهداة بعدالتحيه والتقديرللأخ العزيز الراوي والشاعر الأخ / فواز الغسلان أبو فهد
[poem=font="traditional arabic,7,black,bold,italic" bkcolor="burlywood" bkimage="" border="double,10,black" type=2 line=1 align=center use=ex num="0,black""]
بعدالتجارب عرفت الحب وألوانه = منه المغره ومنه النار والجـنـه
فوازحذراك لايغويك فستانه = والموضة اللي بزي الورد لبسـنـه
السمر والبيض للمخلوق فـتانه = كم واحد(ن) في طريق الحب غرنـه
لايخلفك زولها وأصاف ذرعــانه = وإسلوبه اللي خلاف الشرع والسنه
ياغرها مع غرور الكبرشيطانه = عذب القصايد ثمين الهرج يعمنه
وإستانست في جروح القلب وأحـزانه = لاواعذاب القلوب اللي يحبنه
مافكرت في سهيرالليل من شأنه = كم شيخ قوم(ن)سببها يزعج الونه
وبعض العذارى ذهب لؤلو و مرجانه = عذب القصايد وجزل الشعر يزهنه
ومدارس الشعر والمبدع وقيفانه = الحظ والواسطه والمال يحييّنه
والصدق والقلب الأبيض ماله الخانه =الكذب والنيّة السوداء تعشنه
والحر وإبن الحموله طاح ميزانه = وسراقة الشعر صار الفن هو فنه
والذيب والشبل والخيال وإحصانه = أردى حمير الوحوش العصر صادنه
وراع الجمايل وفعل الخير وإحسانه = يصبر على الغبن واللعنات ياجنه
راح الحياء والوفاء والحب وأزمانه = وإسلوم الأجواد نادر من سأل عنه
وراع الحسب والنسب مقصورة إيمانه = ماله مع الهيس قيمه لو كبر سنه
والعفن من شأن ماله شيخته بانه = ومهليّة بالبهايم خيبوا ضنه
تعتب على الوقت ناس(ن) فيه خوانه = ياالله عسى الخاين الغدار يبكنه
ماقول غير الله أقوى جل سبحانه = الحمد والشكرله والفضل والـمنه
ماغير جود الكريم ولطف غفرانه = جّل جلاله لعبده يعطي الجنه[/poem]وللتوضيح ( مهليّة بالبهايم ) هذا الشيخ راعي بقعاء في ليلة غدر مطر
وبرد سمع صوت مشي بالليل فوق الصفاء فضن أنهم ضيوف وذابحهم
الجوع والبرد فحيا بهم الله حيهم الله حيهم وهذه من نوادر كرم الباديه وحبهم
لضيف الرحمن وعندما تأكد فإذا هي مجموعه من البقر ولذلك
ذكرت محيي بالبهايم لأن الشمري مايداني البقره
وتقبلوا تحياتي وتقديري
الشاعر/ مبارك طناء التبيناوي

صح لسانك
تسلم يمناك يالذوق على الابداع
دائما لك بصمه رائعه بجميع الوان حروفك
لك مني اسمى التحايا والتقدير

نص شعري جميل من الزمن الأصيل

صح لسانك على هالدره

صح الله قلبك
وفكرك
وكلك
دره من بوحك الراقي
تقبل كل الاعجاب

أخوي الغالي / شمري صابر
صحك بدنك وطابت أيامك لك مني كل الشكر والإعتزاز والتقدير وفقك الله وبشر الصابرين
دمت بخير وموده مع فائق أحترامي وتقديري لشخصك الكريم والسلام
أخوك الشاعر/ مبارك طناء التبيناوي

صح لســآآآنك

قصيـدهـ بحد ذااته روووعه

الله لا يحرمنـــآ من جديدك

صح لسانك على هالكلام الحلو
والله يعطيك العافيه

صح لسانك ولاهنت يالغالي

سلمت ولا ندمت
صح لسانك
وبنانك
واعتلا شانك