|
لا تعتذر
بسم الله الرحمن الرحيم
قبل فترة حصلت مشكلة في احد المواقع مع امرأة وفوجئت بان ادارة الموقع بصفها رغم صلة القرابة وانها هي من اخطأت علي وعلى قولت حامد زيد : لا بارك الله بالرجال اللي تفرقهم مرة وخاصة بعد ما عرفت انه وقوفهم في صفها من اجل كسبها وقلت الله يهني سعيد بسعيدة طلعت معي هالابيات مباشرة ودون مراجعة وان شفتوا خطأ منكم نتعلم لا تعتــــــذر مــــــــا عاد ينفع هالعــــــذر مثلك ســــــراب بـــاول الشوفة قضــــــا لا تعتـــــذر منك تــرا فـل الصبـــــــــــــر يوم الحريــم اللي تقاضينــــا قضـــــــــــا رجل وعزيز النفس وفي فعلي فخـــــــــر يوم ان غيــــــري يفتخر فيما مضـــــــى عندي كرامــــــة يا ادارة يا بشـــــــــــــر عندي كرامة ما ارتضي باللي ارتضـــى ادري هـــلال وبــدر كـله من قمـــــــــــر والشمس والمذنب كواكــب في فضــــــا نصي ذكي يمكن غبي يمكـــن بحــــــــــر يمكن محيط الا شـــواطئ من رضـــــــا والسلام عليكم |
ههههههههههههههههه
صح لسانك يانايف الشمري عزالله انك ماقصرت بهم ومستحيل ترى تلاقي هالشي بمنتدانا وأسألني<<<:) نايف الشمري نتشرف بحضورك وحسب ماسمعت انك مبدع في مجال التصوير والخواطر الى جانب الشعر ياليت نشوف ابداعاتك معانا |
نايف الشمري ابيآت جميله صح لساانك وبيض الله وجهك وصح نبضك وفكرك ولاااهنت.. بانتظار ابداعاتك.. اطيب تحيه ,, |
صح لسانك وعلا شانك كلمات
رائعه تسلم على الطرح والله لا يجيب مثل هالمواقف لا لك ولا لغيرك. |
صح لسـآنك مدد بلا عدد ..
وصح فكرك ونبضك |
هلا والله بنايف
عسى الله يهديهم على الإصغاء وتنزيل الرؤوس من أجل مصالح معينه تبقى شاعر مميز وذو حضور يشبه الشمس بإطلالته نتمنى أن تجد هنا ماتصبوا إليه |
اقتباس:
نور الدنيا مدري وش دراك ماشاء الله عليك انا لي محاولات بالتصوير لكن ما وصلت لدرجة الاحتراف اما الخواطر والله مالي بهن وبالنسبة للمنتدى اكيد انا ما جيت هنا ونزلت الا لاني ارتحت لكم وخصوصا هالقسم والسبب الرئيسي اللي خلاني استمر هنا هو النقد للنصوص لا للاشخاص |
ههههههههههههه يارجال خلك منهم
وعلى قولتك الله يهني سعيد بسعيدة وماطاح من النجوم أخف للسما على كل حال أنا وقفت عند البيت هذا ( رووووووووووووعة ) ادري هـــلال وبــدر كـله من قمـــــــــــر والشمس والمذنب كواكــب في فضــــــا بيت عن قصيدة صح لسانك |
اقتباس:
تحيه طيبة لمرورك |
نايف
الغالى كفيت ووفيت وصح لسانك وانا خوك وبيض الله وجهك لاهنت احترامى لك وتقديرى |
اقتباس:
آمين والله يوفقك |
اقتباس:
وصح بدنك ومقدرك ومقامك |
اقتباس:
والله ما بقلبي عليهم الا عتب لكن يجي يوم تتركهم كلهم ويجون بعتذرون عشان كذا قلت لا تعتذر يا بعد روحي لولا الله ثم انت و بعض الاشخاص كان للحين اكتب بدون وزن |
| الساعة الآن 09:07 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010