|
{{ ديوان الشاعر قبلان الخمسان }}
[TABLE1="width:85%;background-color:black;"] | [/TABLE1]شاعرنآآ || قبلان الخمسان تنقاد اليه الحروف طوعاً .. لقب بمجنون حرف يكتب بأحساس شاعر .. يرسم المفردات بصور حيه ينقلنا الى سحر الكلمه وطيب المعنى وقوة الحبكه والتصوير تشرق قصائده بوهج ممتع ونبض عذب مع ديوانه الشعري فهو اصدق مثال ع التعريف به |
((مووجة شعر))
موجة شعر
http://www.b3b7.com/vb/showthread.php?t=62736 ياشينها لقفت مثل لمح الابصار= وتقطعت كل السبل في رحيله فجئه كذا راحت بلاسابق انذار= بنت الدلع وام الرموش الظليله باول شهر حطيت له كل الاعذار= ثاني شهر ضاقت علي كل حيله وثالث شهر كن الحشى يلتهب نار= ايقنت بفراق الخليل وخليله ورظخت للواقع ولوكله امرار= واسترسلت عبرات عيني هميله وامنت بان اللي حصل كله اقدار= وصارت عيوني كل برق"تخيله احيان اقول الموت قصاف الاعمار= لولاه ماتبعد كذا مستحيله واحيان تلعبي هواجيس وافكار= واتخيله تحكي معي كل ليله وتجتاحني موجة شعر مثل الاعصار= والهاجس المجنون تخلي سبيله وانزف شعر يجرح تقاسيم الاوتار= من خافق(ن)هد الزمن كل حيله والحزن يرجف بالحنايا تقل طار= وتطري علي اشعار قيس وعويله ويطري علي وقتٍ مضى وارجع احتار= وتاخذني الذكرى غصب وانحني له كنا نغوص وبالهوا نبحر ابحار= في عالم العشاق قلبي دليله تحمل مشاعر طفل وتحب وتغار= وتشكي من اللهفه وارد اشتكيله حبه طفولي واضحن مثل الانوار= وكل البراءه قلبها ينتميله كانت سوالفها مثل طش الامطار= وصدري لها مثل الفياض المحيله وبلسانها لو بيتهوفن موسيقار= يسواه شطر(ن)ذاب من سلسبيله تحفظ ثلاث ارباع شعري وتختار= ابيات تلقيها والاخرى تشيله ودايم تردد(مابقى شي ماصار= و(خلوني اسهر)مع(بروق الرعيله) والوقت دار وعادت الوقت دوار= واستوطنت قلبي هموم(ن)ثقيله تمركزت بالقلب واظرارها اظرار= يانعمة النسيان روحي عليله انهكني التفكيروالطيف لازار= احس حتى احلام ليلي بخيله رسايل وعطرورسومات واشعار= وغلاه هاذا كل شي بقيله وبعض الاغاني له حكايات واسرار= تعيدني للذكريات الجميله وبعض الاماكن لاتذكرته انهار= لكن عزاي اني تحديت جيله اوفيت له ماني مخادع وغدار= وصنت الغلا بعيون ضاف الجديله واليوم راحت واصبحت شبه تذكار= وقلبي تعزيه السنين الطويله وامنتها مجري الفلك يوم يندار= رب ملائكة السماء تنحنيله |
قصه قديمه
http://www.b3b7.com/vb/showthread.php?t=68181 خلوني اسهر واقضي الليـل مانـام= لي مع سـواد الليـل قصـه قديمـه قصة سهر عمره يجي سبعة اعـوام= انا اشهد ان سود الليالـي عظيمـه خلوني اسهر وش تحقق من احـلام= وش شفت من فعل الزمن غير ضيمه عشت الحياة جروح واحـزان وألام= ودفعت عمري في سماء الحب قيمـه حبيت حتـى انـي تعـودت مانـام= وسهرت وعيـون المخاليـق نيمـه واليوم ياقلب الشقـا عـد الاوهـام= وعد الجـروح المسمـلات المقيمـه استرجع الذكرى لو الوقـت مـادام= واكتب على صدر الليالـي ضليمـه مدام راحت وانقسـم قلبـي اقسـام= تبي الكويت اللي ربت فـي نعيمـه ياليتني ميت وانـا وسـط الارحـام= ولاعشت لحضات الفـراق الاليمـه يوم الوداع اللي ماهو مثـل الايـام= ساعاتهـا كنـه ترقـب جريـمـه كن الزمن يزرع وسط قلبـي الغـام= وكـن الدقايـق والثوانـي سقيمـه وداع لاكنـه تقـل ساحـة اعـدام= وتنفيـذ حكمـي باليديـن الكريمـه راحت ولا اعرف له عناوين وارقام= والمملكـه عقبـه تغيـر نسيـمـه وخسرت كل اللي بنيته مـن احـلام= وكسبت من سـود الليالـي هزيمـه |
ياملهمـه مابـي جماهيـر واعجـاب= لوكـل عشـاق النـبـط صفقـولـي ولادور الشهره مـن اعـلام كـذاب= يــدرون ولا علـهـم مـادرولـي شرد البيـوت النـادره يـوم تنسـاب= تعلن لعذب المفـرده عـن وصولـي واسموبها وانزل بهـا فـوق مرقـاب= مادوجـو بياعـة الحكـي حـولـي وامـدح بهـا راع العوايـد لياطـاب= اللي كسب قولت كفـوو قبـل قولـي ورد الثناء ومساجلت بعض الاصحاب= ومدح الطنايا بكـل موقـف بطولـي رسالتن نطـرق بهـا عـدة ابـواب= واللي حمل تلـك الرسالـه رسولـي واليوم ابكتب فيـك ياسـود الاهـداب= وتبا"لعـدوانـي وتــب لعـذولـي بضفي على زلات الاصحاب جلبـاب= وربي خلق متنـي لشيـل الحمولـي بعوضك عن غيبـت الشعـر لاغـاب= ابـي القوافـي تمتثـل لـك مثولـي هجر الشعر كانت تقف خلفها اسبـاب= ولجلـك سلاطيـن الشعـر عودولـي ياساخبـه ياساحـره كـل الالـبـاب= يامذهلـه وانتـي سبايـب ذهـولـي فجي ضلوعي واسمري خلف الاحداب= جيتك غلا كلـي بعرضـي وطولـي اعطيني اكثر من غلا نـوت لعقـاب= يوم ان اخو نمشه يصـول ويجولـي وبعطيك ماعجزو يقولـون الاحبـاب= لاخلواالدمـعـات عنـهـم تقـولـي طاريك يفتـح للشعـر عـدة ابـواب= وشلـون لامـن الثمـان ضحكولـي وضميت صفحه ماحوت حرف كتـاب= وشقر الذوايب فـي نحـرك انثنولـي وطعم العسـل بيـن الشفايـا ليـاذاب= يبعد حـزن قلبـي ويسقـي ذبولـي لاقلتي اكتبي شعـر يرهـب ارهـاب= ابي ارتوي شعرك وابشبـع فضولـي قلت ابشري ترخص لك ارقاب وارقاب= لـولاك ماجبـرت الجميـع وقرولـي وحصلت لعيونك علـى عـدة القـاب= مجنـون حرف وقبلـة الشعـر زولـي لنك طقوس الشعروحروفـي اسـراب= ياملتقـى كـل الجـمـال الطفـولـي يافاتنـه مابـي جماهيـر واعـجـاب= دامك معي عمـر البشـر ماصفولـي |
ياهاجسي مالك عذر موعدك حـان= دك البيوت وحركـه عـن محلـه خله تلاطم بالحشى تقـل طوفـان= يوم العواصف والرعـود ارتكلـه خلك مثل قلـب الجنـازه بالكـوان= لامـن ترفـات الصبـا زغردلـه يرجف براسي لحتمى تقل بركـان= لوماكتبه خطـرن عروقـي يشلـه مثايل" تحمل نفـس شعـر قبـلان= والنشر وحقـوق الطبـع يحفظلـه يكفيه بـس انـه شهدلـه بليهـان= شهادتن تغنـي عـن المـدح كلـه راضي الشعيلي قال بالشعر لك شان= مبـدع وعـرش الذايقـه تستحلـه واليـوم حطـو للشواعيرمـيـدان= وجزل القوافي هاجسـي فارسلـه قررت اشارك ضمن طلقين الايمان= وكـل ابلـج" يمنـاه سيفـه تسلـه سامي هدفنا كلنا اصحاب واخـوان= راضيـن بالجنـه ومايقـسـم الله وموضوعي انساني ومكتوب بنسان= كـل الصفـات النـادره ينتمـلـه جالي مجال وشفت صورت كحيلان= بالمنتدى مـن عزوتـي عزوتلـه طلال ويـرد الصـدا قصربـرزان= وحائل على طاريـه دمعـه تهلـه من غيبته عجزت لاكتب الـى الان= لني عجزت استوعب اللي حصلـه اعوام راحت ماجلت كثر الاحـزان= اسـج والخافـق همومـي تتـلـه مرحوم زيـزوم الطنايـا بليهـان= شيـخ يمينـه غيمتـن مسفهـلـه حفيـد حكـام وجنايـز وفرسـان= بشته يضلـل مـن تضلـل بظلـه طلال ماولي فرض خمس الاركان= ننساه لويرضـى الشجـاع المذلـه ولو نسيو العجمان تاريـخ راكـان= وجبال حائل غادرت عـن محلـه والله لـو مالله مـلا قلبـي ايمـان= قلـت الحيـاة بلاوجـوده ممـلـه لكن عسى منجـي نبيـه سليمـان= يدخـل طـلال بجنتـه رحمتـلـه ولو ماكسبت الشعر مانـي بندمـان= مشاعري واحسـاس قلبـي وفلـه عنونتهـا بالضيغمـي خيرعنـوان= ذكـرى شجـاع" سيرتـه مانملـه |
لبيه ياهاجس قصيدي مساء الخير= اقلط تفضل حان وقت الظروره خابرك تخضع لك هجوس الشواعير= بك غطرست راس الجنازه وجوره ان رقت وان مارقت مابه معاذير= الدم له وسط الشرايين فوره تعال ابيك تصور القاف تصوير= لعيون من غار القمر من غروره دمار شامل لوكشف فتكه بلير= يستخدم الفيتو ويرسل صقوره ويدك حائل جو من غير تحذير= بمقاتلاتن بالحروب مخبوره حوريتن سوة قلق للغنادير= تكتب شعر وانا دمرني شعوره تاصف غلاها باليمامه على جبير= وانا مثل قيس الملوح بدوره بالعشق جاوزنا حدود المعايير= خارج نطاق الجاذبيه جسوره نقصر على شانه بعيد المشاوير= لودونه النهرين يسهل عبوره لاسلهمت تاخذ من البنج تخدير= ولياحكت تكسي النسايم بخوره ضحكه وهمساته وصوته معي غير= والناعسات السود مصدر خطوره ماقول مالغرورها اي تبرير= اقول تحدث داخل الحفل ثوره تلعب بوجهات النظر دون تاثير= تلفت نظر كل الحظور لحظوره كنه تطور ذوق الانسان تطوير= تقلب موازينه لياشع نوره لاضاق باله يذبلن النواوير= وليابكت صبري كسر باب طوره تعكس مع افكاري هوى خطة السير= فوق العناد من الهبايب غيوره اسكب له اشعاري موده وتقدير= واضمى قصيده لوسقتني بحووره |
كريـم يابـرقٍ تـلالا وانـا اشــوف= فـوق الوطـن خلتـه تلامـع بروقـه من دار جابر خلت انا البـرق ملهـوف= تبـرق وتـرعـد ويتنـثـر حقـوقـه فوق الديار اللي علمهـا علـى سيـوف= الدولـة الـلـي ماتخـلـي حقـوقـه خلته ودمعي فـوق الاوجـان مـذروف= والدمـع لوعـات الليـالـي تسـوقـه عساه من شـرق الرعيلـه الا الجـوف= وجبال اجـاء جعـل المراديـم فوقـه تمطر على دارٍ سكـن فيـه غطـروف= خـل" عليـه عـروق قلبـي شفـوقـه يابـو مفـرج لـف بالقلـب لافــوف= وقلبـي مـن الفرقـاء تقطـع عروقـه علـى وليـف" حدتـن عنـه ظـروف= ظرف العمل وصـل الحبايـب يعوقـه قبل انتفـارق وادعتنـي علـى خـوف= واشـوف دمعـات المفـارق بمـوقـه تطلب عهد تطلـب مواثيـق وحلـوف= وتقسـم لـي انـه بالمحبـه صدوقـه اقفيت اشوف الدرب واحيـان ماشـوف= وتنتابنـي لحضـات ضعـف مخنوقـه اقفيت من عنـده علـى غيـر مالـوف= عهـد الوفـاء خفـت الليالـي تبوقـه معشوقتي غطت علـى كـل غريـوف= وفي ناضري تسـوى جميـع مخلوقـه تطري علي لاهب للغـرب عاصـوف= وشوفهـا والشمـس تبـدى شـروقـه وتطري علـي لادقـو الطـار بدفـوف= ولا سولـف العاشـق بحـب معشوقـه وتطري علي لازج بالصـوت ملقـوف= والـيـوم فيـهـا ذكـرنـي بـروقـه وجيت اشتكي لك من عنا الوقت بحروف= ابيات شعـري وانـت تفهـم طروقـه وسيلتـي شعـر" بـاالاورق مصفـوف= اشرح بـه اللـي بالخفـوق محروقـه اشرح معنات الحشـى داخـل الجـوف= عـل السبيعـي لاسمعـهـا تشـوقـه |
تكفون بديار الشمال ادفنوني ضعنا وضيعنـا السنيـن الطويـلات =وانـا عـرف كـل الـذي ضيعونـي
لاشك اسامحهم علـى كـل مافـات= لأنهـم رغـم الضيـاع اسعـدونـي اعوام قضيتـه وانـا منكـر الـذات =ارضيت رغباتـي ورغبـت جنونـي اطعـت نفسـي بالهـوى والملـذات =ونفـذت ماملنـه علـي شجـونـي عشت بشمال المملكه في زمن فـات =احلـى ليالـي شاهدنـه عيونـيـي قضيتهـا بيـن الحفـر والقـريـات =وغنيت في رفحـاء جميـع الحونـي الله واكبـر لوتـعـود الونـاسـات =ايـام لـو نرجـع لهـا رجعـونـي ايـام لـه داخـل خفوقـي علامـات =وله ذكرياتـن باقيـه فـي عيونـي بديار رفحاء عاش حبي وبـه مـات =ومعه انتهت قصة شقـاي وجنونـي وطويت صفحات الشقا عشـر مـرات =واقفيت تنزف بعـد موتـه طعونـي واليوم جيت امشي على الجرح بسكات =اوادع الــي بسـفـر وادعـونـي باقي على وقت السفر خمس ساعات =فرقـى وكانـه طولـت سامحونـي وان قيل ابو ساهر بعد غيبتـه مـات =يامـن حضرتـو جثتـي كفنـونـي وحطو على قبري شهـود وعلامـات =من شان عشاق الهـوى يذكرونـي من شان عشاق الهوى خص بـذات =تكفـون بديـار الشمـال ادفنـونـي وخلو سهر تنثر على القبـر عبـرات =تسقي ثـرى قبـري ليـا فارقونـي |
طنيان والله والطنا واصل اقصـاه= لاني عجزت اكتب بشمـر قصيـده اكتب وانقه واشطب اللـي كتبنـاه= ياحـي والله لابتـي مـن بـديـده حتى سمان الهرج تضعف بطريـاه= لوخـط دم القلـب حبـرٍ وريــده شمر واباصهل وادعي الشعر وانخاه= كانه على خبـري خيالـي وليـده وان خانني في مـدح شمـر بليـاه= لو يغرق الساحات قبـل الجريـده شمر هلي مايعرف الطيـب لـولاه= حنا اخترعنا الطيب حاتـم عميـده في وقتها لو في بـراءة خذينـاه= من قبل حاتم؟بالصخى مـدت ايـده من قبل حتى ترسل الرسـل بهـداه= والمصطفى يحمـل لـواء العقيـده وحاتم ضيوف الدار خيلـه تعشـاه= رغم الجهل طـي بصفاتـه فريـده وحنا كرم حاتـم وطيبـه ورثنـاه= وقنـا تجـري الصفـات الحميـده شمريعجز الشعر يحصـي مزايـاه= رغم الكرم واللين روسـه عنيـده يتلون شيخ(ن)تنثـر الـدم يمنـاه= وبامرالجنازه كـل طاغـي تبيـده وكل الجزيره داجت كروش بحمـاه= وصرخه بكف عبيد يصرخ حديـده حتى الشريف بحد حائل نطحنـاه= وحرم يطـب ديارنـا فـي نشيـده وحرب الصريف وكم بيرق كسرناه= خمسة عشر بيرق وشمـر وحيـده ويامـا ويامـا كـم قوما"وليـنـاه= ،سجل لنا التاريخ بحـرف مديـده وعبد الكريم اللي جزالـن عطايـاه= ،لاقال خوذو تاخـذ اللـي تريـده شيخ(ن)يمينـه بالعطايـاء تحـداه= من قبل ينطق بالعطا تعطـي ايـده وحايل شربنا هبت الريح مـع مـاه= ،وشموخنا يشبـه جبلنـا وحيّـده حتـى ثراهـا يفتخـر لوطيـنـاه= وحنا عشقنا سهال حايـل وبيٍـده عشقن وصل حد الجنون وتعـداه= ماجربـوه اهـل القلـوب البليـده قلته وانا من روس شمر هل الجـاه= ،وانا اعتبر ماقلت فيهـم قصيـده |
راحت تصيف يابو باسل على الشام
http://www.b3b7.com/vb/showthread.php?t=65928 يامادفعني للكتابات الالهام= لاضاق صدري وحبكن الهمومي شاعر وطوعت القوافي وانا غلام= غير الوراثه موهبه من رحومي نميتها بين الدفاتر والاقلام= ورفعتها فوق القمر والنجومي خوفا"عليها من حسودٍ ونمام= ومن ناقدٍ لأبيات شعري يهومي واليوم خلتني الكوابيس مانام= وإن جيت ابرقد ربع ساعه واقومي وابشتكي للي لنا درع وحزام= اخوي شوق مرودعات الوشومي الشاعر اللي ماخذن درع ووسام= رقما" يحطم عاليات الرقومي إليا حضر غابوا شواعير الاعلام= وليا وقف كل القوافي تقومي شليويح يامشكاي قلبي غدا اقسام= والحب عدابي طويل الرجومي حبيت عذراء حزمت قلبي حزام= واستيسرت قلبي بليا هجومي دلوعةٍ تلبس على الموت هندام= ولا سلهمت ترسل شطيرالسهومي دلوعةٍ تطرب ليا غنت احلام= وتسمع نوال وماجده بنت رومي وهوايته غير السفر شوف الافلام= مادوجت ياعزوتي بالحزومي ومولودتن من قبل سبعة عشر عام= بديار جابر ماتعرف السلومي وجده من امه من على عهد صدام= عاش العراق ولا يزال محشومي وابوه سعودي شمري نسل الاكرام= طيب وبيته مدهلٍ للقرومي اعجبتها واختارتن فارس احلام= واقفت بشريان المعاليق تومي راحت تصيف يابو باسل على الشام= وانا علي حضر السفر ومحرومي واصبح جداي من القهر عض الابهام= وأون لاشفت الجواز مختومي واقول من زود القهر ليت من حام= وياليت لي جنحان من شان احومي ابي ارتفع من غير تصريح واختام= فوق الجمارك ماطلب اذنن حكومي وانصى حبيبي لعن ابو مي والهام= لابو النور لو رحبن في قدومي ابي اللذي ريقه شفى كل الالام= وشوفه علاج اللي بعينه هزومي ابا آصله والعمر تاليه للخام= والموت حق لكل نفس ولزومي ياخوك شف جسمي غدا جلد وعظام= واخاف اشقق يابو باسل هدومي والله لو ماديننا دين الاسلام= حرمت غيره لو بقيت محرومي لاشك ابرجي اللي كفل رزق الايتام= ماغيره اللي للهواوي رحومي الواحد اللي ياجر العبد لاصام= وتحت السماء ينشي ثقيل الغيومي |
ضيقة البال
http://www.b3b7.com/vb/showthread.php?t=78739 مرت ثلاث شهور ياضيقـة البـال= على آخر احداثِ جـرت بتصالـي وجدي على اللي غيبته هدت الحـال= وتسببـت فـي عزلتـي وانشغالـي وجد اليتيم اللي شبـع ضيـم واذلال= من عقب ماهو كـان دالـه وسالـي امه بحادث سير ماتت مـع الخـال= واصبح يجابه حزن سـود الليالـي وجازه ابوه وزوجـة ابـوه بهمـال= وذاق العـذاب ووالـده مايبـالـي طاح بحقـوده مابهـا ربـع مثقـال= رحمه ولاتخشـى عزيـز الجلالـي إليا تغـدوا تربـط الطفـل بحبـال= وليابكى بالوجـه ضـرب النعالـي والورع رث ثياب واحواله احـوال= مالـه سـو رب المخاليـق والـي ينثر دموع ودمعـة اليتـم غربـال= واحر منهـا مدمعـي يـوم سالـي على اللذي تربك عيونه ورى الشال= ام القـوام اللـي يهـز الرجـالـي ذات الحسب بنت النسب بنت الابطال= اللي يحـق لهـا الفخـر والتعالـي واللي لها بالقلب مركـى ومدهـال= وقدرن يقع بيـن المعاليـق عالـي وحبن لويقسم على قلـوب الاجيـال= ماعاش به قلب مـن الحـب خالـي أميـرةٍ لـو مايـلـي اسمـهـا آل= يفدونها أصحاب السمـو والمعالـي ويفدونها شيوخ القبايـل والامـوال= ويفداه صدرن ضاق لوهـو شمالـي بجنون احبه واعشقه عشـق بهبـال= ولو ينورث حبـه عطيتـه عيالـي مازلت اردد ماكتبتـه مـن امثـال= واتخيلـه تلقـي القصايـد قبـالـي ياليتها تعرف حجـم ضيقـة البـال= وبغيابها تدري وش اللـي جرالـي لو الصبر تحمد عواقبـه لـو طـال= صبـرت لوحملـي يهـد الجبالـي ولو التوجـد فيـه تحقيـق الآمـال= لاصيح مع وجدي واطـوح عقالـي وعدن ثلاث شهور والحزن مـازال= على آخر احداث اللقـا والوصالـي |
السحابه
http://www.b3b7.com/vb/showthread.php?t=89284 للخيـل فرسانـن تـدك الميـاديـن= دواهيـن سفـك الحمـر ماتهـابـه ولسيف رهبه في يديـن السلاطيـن= وسطح القمر ماكـل عالـم وطابـه والحكم بالحكمـه خـذوه الحكيميـن= اللي بهـم سطـوه وليـن وصلابـه ولولا القناعـه ماتعيـش المساكيـن= ولـولا الفراسـه ماتعشـى الذيابـه والشعر واداب الشعـر لـه قوانيـن= ولاكـل يمنـى تستحـق الكتـابـه وانا الكتاب اللي سطـوره عناويـن= يقرا الكفيـف وتنطـق البكـم مابـه الياحتـدم جاشـن زفيـره براكيـن= شيطان شعري قـام يلقـي خطابـه مثل اخو هدلا لاخطب عن فلسطيـن= ايـام عـزه يـوم كــل يهـابـه مغرور واثق قولـي اللـي تقوليـن= انا اللـذي تبكـي القوافـي غيابـه ولو غبت اجي واطوع الصعب ويلين= واعيـد لجـزال البيـوت المهـابـه لني ورثته ورث مـن روس جديـن= يوم الـردي ورثـه يـزود حسابـه وصدق المشاعـر ماتبيلـه مزكيـن= وتاصـل قلـوب الاثريـا والغلابـه يكتبني الحرمـان والحـزن والبيـن= وتقرانـي عيـون السهـر والكابـه وتعشقني الدمعه وتستوطـن العيـن= وتكرهني الضحكه واعيـش بغرابـه مومن ولا اومن في مجال المحاميـن= لوبـرو القاتـل يـلاقـي عـذابـه عشـت الحيـاة ولالقيـت متهنيـن= الا مطيعيـن النـبـي والصحـابـه المومنيـن الصايميـن المصلـيـن= اللـي تـدور عنـد ربـه ثـوابـه وبكيت يوم ان العمر خمسـة سنيـن= دمعـن محيرنـي غزيـر انسكابـه عانيت ظلـم الا جرعـت الامريـن= والفقر كانت رغبتـي تحـت نابـه رتم الحياة ممـل والمجتمـع شيـن= وضروفها المدرك تضيـع صوابـه واليوم ياشعري علـى عاتقـي ديـن= بقدومهـا رحـب عنـي باالنيـابـه لاح بسما جـوي بـروق ونياشيـن= وتكونـت فـي قـدرة الله سحـابـه وجتني يسوقنـه ريـاح الخماسيـن= هتـان نــوه يستثـيـر الكتـابـه منشاه بالعارض قبـل عـام اللفيـن= بيـن البـروق وبيـن خـده قرابـه تخفي بردها خلف جمـر الشفاتيـن= في بسمتـه غنـج ودلعهـا ذاربـه وبرياض صدري والحشى والشرايين= هلـت عبايرهـا وفكـت حجـابـه واسقت ضمـاي ونـورن البساتيـن= ديمومتـن رب السمـوات جـابـه والروح صارت روح من بعد روحين= وسوال عمري توي اعـرف جوابـه رحبت فيهـا مـن خفوقـي ملاييـن= قلـت ارحبـي يادعوتـن مستجابـه وقلطتها قدر وغـلا بيـن رمشيـن= وسريتله عـذب القصيـد وسرابـه |
| الساعة الآن 11:00 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010