روح روحـــي
 

[poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] ياوجدحالـي وجـد عـودٍ لـه عيـال=مايرحمونه وان بغى شـي ماعطـوه
حزنـه كبيـر ودنيتـه كلهـا اهـوال=مـن بعـد ماعـز المخاليـق عافـوه
عـاش المذلـه والاهانـه والاهمـال=ومن بعـد ماعـاش المـذلات خلـوه
خلّـوه فـي بـيـتٍ لحـالـه ولازال=يبكي وينـدب حـظ عاثـر ومعتـوه
ماكنـه الاوسـط هالبـيـت تمـثـال=يدعي على اللي مع قسى الوقت ضروه
من اولٍ يحسـب عيالـه لـه ظـلال=ويظنهـم لاضامـه الوقـت عـانـوه
واثر اعتقاده قول من ظمـن الاقـوال=كـلام ليـل وفجـة الصبـح تجلـوه
والا وجودي وجـد راعيـن الامـوال=اللي ليامـن اشتهـوا شـي جابـوه
تزيـن دنياهـم علـى كـل الاحـوال=حيـاة عـز ومنـزل الـذل ماجـوه
ومن بعد فتـره بدلـت حالهـم حـال=بعـد المعـزه مسكـن الفقـر طبـوه
وصاروا يقاسون المتاعب والاهـوال=والجيب مما صار من حـزن شقـوه
والا وجودي وجـد مـن حكمهـم زال=وزعيمهـم قـدام شعـبـه اهـانـوه
وياوجد حالي وجد من عاشـر انـذال=ومن بعـد مـده غرروبـه وخانـوه
على فراق اللي علـى رغبتـي نـال=اللي احـس بداخلـي شـي لطـروه
لطروه احس بداخـل الجسـم زلـزال=وازعـل ليامـن المخاليـق سـبـوه
احساس مغرم صار فـي حبـه هبـال=حبٍ على ميثـاق والصـدق يكسـوه
احبهـا حــب المخالـيـق للـمـال=والا الصغير اللي هلـه حيـل حبـوه
واحبهـا حـبٍ مـن الجـال للجـال=وحبـي لهـا حبـلٍ متيـنٍ وشـدوه
يـاروح روحـي يابعـد كـل الازوال=يامن كثيـر النـاس لخلاقـه اغلـوه
عـزالله انـه كلمـة الحـق تنـقـال=يسعد مسا اللي اعتنـوا بـه وربـوه
ويالله يالمعـبـود يـاواحـدٍ عــال=يالله طلبتـك لاتصيـبـه بمـكـروه [/poem]
الشاعر /محمدعواد الويباري الشمري

بيض الله وجهك
على هالشامخه بشموخك
صح لسانك
ملايين
وعلا شانك
ولاهنت


تقديرى لك واحترامى

شاعرنا الرائع | محمد العواد

استهلت الصفحه برذآذ حرفك

نص راائع مليء بالعذوبه والجمآل

اغدقت علينا بنبضك وحرف من نور

فصح لسآنك ملآيين ..


تقبل مروري المتواضع امام لوحتك الفاخره ..

وسنظل بأنتظار راقيه لك أخرى ..

الله عليك
يسلم راسك يالذيب
ابيات مميزه ورائعه
لاعدمناك يارب

صح لسانك وعلى شانك حتى ترضى

لله درك على هذا الوصف وهذه الابيات المعبره

على فراق الاحبه

لله درك يالذيب

الله عليك
ابيآت رآئعه

صح قلبك وفكرك
ويسلم رآسك على هالفاتنه

لآ هنت

محمد العواد
انتصر حرفك عبر اثير ارضي واغناهـــا

صح لسانك على هذه اللوحة الرائعة

رحلة لي ( الى هناااااك ) جمعتني مع الجمال

تشرفت بمصافحتك هناااا

دمت بخير

لك تقديريـ

شاعرنا محمد العواد
تسلم يمينك على هذه الرائعه
وصح لسانك 0

بيض الله وجهك
وصح السانك
الله عليك
لاهنت

سلمك الله
وسلم حرفك وقلبك

محمد العواد


صح لسانك الغالي


ولاهنت على الشامخه



قصيده جزله من شاعر جزل


عافاك الله

صح لسانك
جمال اخاذ
واحساس عميق
كتبت فأبدعت
هنيأ لنا بك
شكرا جزيلا