|
::: الـشـعـر يـجـاوب عـنـك :::
السلام عليكم ورحمة الله وبركاته قد يكون الشعر يعبر عن الاجابه اقوى من حد الكلام , فواصل في بيت شعر الفكره هي الاجابه على السؤال ببيت او بيتين شعر ,وتكون الإجابه بأقلام الآعضاء ويمنع المنقول 1- اسمك او التعريف بشخصيتك او التعبير عنها... في بيت شعر ؟ 2- الوطن ... في بيت شعر؟ 3- الام ... في بيت شعر؟ 4- الحب ... في بيت شعر؟ 5- الليل ... في بيت شعر؟ 6- البحر ... في بيت شعر؟ 7- الغربه ... في بيت شعر؟ 8- الفراق ... في بيت شعر؟ 9- الخيانه ... في بيت شعر؟ 10- صديق السوء... في بيت شعر؟ 11- الصديق الوفي ... في بيت شعر؟ 12- الرجل \ المرأة ... في بيت شعر؟ اذا كنت رجل جاوب عن المرأه والعكس 13- بيت شعر او بيتين متروك لك حرية الاختيار فيهم اتمنى تفاعل الشعراء واثرائنا بمكنوناتهم الشعريه واتمنى لنا ولهم الاستمتاع اعطي مثال لكيفيه الاجابه بما اني طرحته لتتضح الصورهـ للبقيه |
أبدأ آنا بالمشاركه لتتضح الصورهـ للآعضاء وكل عام وآنتم بخير 1- اسمك او التعريف بشخصيتك او التعبير عنها... في بيت شعر ؟ أنـا منزااالي العليا ودوم العز لي مدهال أروم المجد وأتعلا وأعاكس خطك وسيرك اجيب الغايبه جزله وألبسها حِكم وأمثال معاااانيها من الدر الثمين يفوق تصويرك 2- الوطن ... في بيت شعر؟ لآجل الوطن آرواحنا تعشق الموت نعشق ثراااه وترخص لعينه الروح 3- الام ... في بيت شعر؟ يمه لآجيت اكـتب لعينك قصيده مااكني اللي يـروّض الوزن والقاف تصغـر لو ان فيها المعاني فريده لآن تحت آقدامك كبيرات الآوصاف 4- الحب ... في بيت شعر؟ لاتحسبين الحب في قلبين خارقهن سهم الحب أصله هو وفا والتضحيه بين الاثين 5- الليل ... في بيت شعر؟ الليل يبقى هو كما لوونه الليل موحش ظلام وفي هدوه كئاااابه 6- البحر ... في بيت شعر؟ قالوا البحر لاضاق صدرك ترى علاج واقول بـ أنه ورق والحبر موجه 7- الغربه ... في بيت شعر؟ غربتي ماهي عشان أبقى بعيد وآنتي أدرى بالخوااافي والعلوم غربتي تحـقيق للـحلم الوحيد لأجل مستقبل زهيد ولك يدوم 8- الفراق ... في بيت شعر؟ الفراااق أسهل وسيله للعذاب وآحتمال يكون للخـيره سبب فيه ينزف هالقلم فوق الكتاب لا حظر هاجس خياله هو كتب 9- الخيانه ... في بيت شعر؟ من هو نوى الـبوق وآعدااامي الـغـدر يـلـقـى محاصيله 10- صديق السوء... في بيت شعر؟ ياحيف كان أسرارنا وصلت الجوف وتعدت طريف وسرت للرديفه بعض الولايف يدمي الجرح ويلوف يكسي من ثيااااب المذلّه وليفه 11- الصديق الوفي ... في بيت شعر؟ عادة القرم الصنافي && بطيبته شمس وشرووق وعادة النسمه فيافي&& للشماال أحلى عرووق 12- الرجل \ المرأة ... في بيت شعر؟ اذا كنت رجل جاوب عن المرأه والعكس بما آن الحريم شقائق الرجال لا يسعني القول إلا .. آعذريني يالعذارى في جميع آنحاااااااااااء كوني لو أقول ( ....) عمري يمكن الآنثى الوحيده 13- بيت شعر او بيتين متروك لك حرية الاختيار فيهم أنا سطوة ملك طاول براسه وانحنى كل راس طـال المجد بذراعه وحكمه نـاله بـ سيفه أنا شاعر فصيح لسان مثقف والأدب نوماس حكيم الراي بالمعنى وثمـين الـدر انا ضيفه أنا حرف الذهب حرفي أنا تدري حروف ألماس أنا من غاص في غب البحور وطاب له كيفه ترى ماهو غرور أزداد ولا مكابر يفوق الناس فقـير ويفخر بنفسه ودبـّل كيـل توصيفه:) ،،ـ،، وأتمنى أكون كفيت ووافيت خالص التقدير والأحترام |
تسلم يدينك شاعرنا موضوع رووووووعه
بس فيه اختيار ولا اللي يدخل يجاوب يعطيك الف عافيه وصح لسانك |
هلابك مشرفتنا الرائعه صحت آبدانك من ذوقك لاهنتِ
سلامة عمرك اللي يدخل يجاوب والآسئله عنده وآتمنى للجميع التوفيق |
شاعرنا \\ حمدان سليمان
طرح جميل وموضوع رائع وراقي يتيح الفرصه بالتعرف ع ابداعات الاعضاء ومعرفة آراؤهم وافكارهم ..من خلال الابيات الشعريه .. شكرا لهكذا طرح .. ولاحرمنا وجودك وتميزك يا ألق وصح لساانك ع الابيات الرائعه والجزله,, ولي عوده بالمشاركه ... http://www.najdyah.com/vb/images/smilies/i.gif |
يا هلا بشاعرنا الغالى
ومبروك عليك الشهر وسلم قلبك وكلك على الاجوبه الوافيه يالوافى وان ربك كتب لى عوده |
[table1="width:95%;background-color:black;"] | [/table1]السلام عليكم ورحمة الله وبركاته 1- اسمك او التعريف بشخصيتك او التعبير عنها... في بيت شعر ؟ اسمي حكمت الحكم من قبل الاحكام ...مـــن روس قــوم ما تهــاب المنــــايا 2- الوطن ... في بيت شعر؟ حب الوطن ورثٍ ورثناه ولا زال ...باقي بوسط النفس حتى المماتي 3- الام ... في بيت شعر؟ يمه عجزت اوصف غلاك بقلبي ... انتي ترى فوق الوصف لو وصفناك 4- الحب ... في بيت شعر؟ الحب هو طعم الحياه وسعدها ومن غيره الانسان ماهو بعايش 5- الليل ... في بيت شعر؟ اللـــيل ســتر للعـــيون الحزيــنه ...وفيه السهر وفيه من ينضم الاشعار 6- البحر ... في بيت شعر؟ غـــدار والله يابحـــر دوم غدار هذي طبوعك دايمن بك حسايف 7- الغربه ... في بيت شعر؟ الغربه اقسى ما يواجهه الانسان تبعدك عن كل الاهل والقرايب 8- الفراق ... في بيت شعر؟ ياشين حزات الفراق المريره فيها تحس بساعة العمر حانت 9- الخيانه ... في بيت شعر؟ يا خاين العشره ترى ما به احسوف الله كشف معدنك وللناس مكشوف 10- صديق السوء... في بيت شعر؟ خبيث طبع ودايمن لابس قناع ويرميك في درب الخطر والمهالك 11- الصديق الوفي ... في بيت شعر؟ صديقك اللي دايم الدوم يرعاك دايم على صكات بقعا عويني 12- الرجل \ المرأة ... في بيت شعر؟ اذا كنت رجل جاوب عن المرأه والعكس الرجل في طيبه وصيته مع الناس ماهو بهيكل ما يعرف المواجيب 13- بيت شعر او بيتين متروك لك حرية الاختيار فيهم كلن يبي في هالزمن دوم مرتاح ___من الهموم ومن غرابيل الايام لــكن دنيــــانا مثل هـبـت ريـــاح ___تصفق بنا ويبقى عزانا بالاقلام اتمنى ان وفقت بالاجابات واعذروني على التقصير حمدان سليمان شكرا لك مرة اخرى لاتاحة هذه الفرصه لنا يعطيك الف عافيه يارب ودمت بكل الخير ,, |
اقتباس:
هلابيك يالغالي .. وعلينا وعليك الله يعيننا ويتقبل منا صيامه وقيامه يسلم رااسك وحنا نكبر فيك آستاذنا وما نستغني عن مشاركتك وننتظرها بروعتها حتمآ آسلم وسلم |
مراقبتنا وشاعرتنا الرائعه والمبدعه
على النيه مرور وحظور ونور على نور ماشاء الله تبارك الرحمن آجوبه وآبياات بغاية الروعه جميعها.. جزاااله وتمكن .. آصبتي الهدف بالنحر لله دررك وصح الله لساانك حتى الرضى والشكر لهذا الحظور المشرق لاعدمنااااك أختي و دمتِ بحمى الرحمن |
وعليكم السلام ورحمة الله وبركاته...
بهذه الفكره أيقظت أقلام نائمه.. وحببت الشعر أكثر لنا.. دمت ودام فكرك العذب,,اخي سلمت يداك... |
1- اسمك او التعريف بشخصيتك او التعبير عنها... في بيت شعر ؟ شموخ مع هيبه ولاحي يسأل وعنوان واضح لامع(ن) بالسماء فوق 2- الوطن ... في بيت شعر؟ هذا وطنا أحتوانا وحويناه له الغلا بداخل الروح مبــــــــني حنا وعينا والدفا به لقيناه كن الأمومه الحانيــــــــه منه نجني 3- الام ... في بيت شعر؟ وشلون أوصف حظنها وضمة الليل صعبه على شعري مع الروح يوفون ضحيتي بحالك وأوفيتي الكـــــيل أعطيك من عمري ولازلت مديون 4- الحب ... في بيت شعر؟ صحيح حالي من عذابه مولع وعودي غدى ناحل من الحب ياهوه فوق المواجع خافقي منه شلع للحب لذه ومعمي القــــــــــــلب دلوه 5- الليل ... في بيت شعر؟ أسود ومظلم في ضميره نريح ونموت في قربه ولو دون قمره 6- البحر ... في بيت شعر؟ صدري يضيق وأنتخي بعز موجه وأشوف انا الراحه أذا يمه أقبلت 7- الغربه ... في بيت شعر؟ الغربه اللي بالخفوق أذبحتـــــــني كله عشان العين ماهي بعـــــــــينك ماهو ضروري لو دموعي قهرتني تكون في غربه ولا أحد(ن)يعينك 8- الفراق ... في بيت شعر؟ إلا الفراق أرجوك لا لا تطريه أن كنت ناوي موتتي أمتحني 9- الخيانه ... في بيت شعر؟ ترى الخيانه سيف يودي إلى الموت لو جابو الدكتور مافاد طبه 10- صديق السوء... في بيت شعر؟ ريحه تفوح ولا نفع به مباخر ياله سوايا ماتخبيها الثياب 11- الصديق الوفي ... في بيت شعر؟ حطه على يمناك لاتهاب رآيه دام الكلام اللي نطق به صدوقي 12- الرجل \ المرأة ... في بيت شعر؟ اذا كنت رجل جاوب عن المرأه والعكس لولاك هالدنيا بلا طعم(ن) ولون ولولا عيونك ماسهرنا الليالي 13- بيت شعر او بيتين متروك لك حرية الاختيار فيهم للحر كلمه لانــــــطق ماتثنى وأنا على صدق العهد جيــــــــــــــــــــت شاري وللحب نغمه حظ منهو تمنى سيف العشق غصب(ن)على الروح ساري كل الشكر لك اخ حمدان واستمعت برفقة الشعر بموضوعك |
شاعرتنا الرائعه
الفاتنه ربي يسلمك ويعافيك أختي ومن ذوقك لاهنتِ آبدعتِ بالإجاابه وآصبتِ الهدف صح الله لسانك ملايين وسنين والشكر لحظورك وتواجدك لاعدمناك أختي دمتِ كما شئتِ |
سلمت ياشاعرنا
ويعطيك العافيه وانتظرنى على خير قريب برجع |
هلا وغلا ودرزن حلا
بالشاعر المدلس ( خلها بالقلب ) ليه ! تكفى دخـيلك هـاتها ................. بـنـات فـكـرك بـالجـزالـه شـفـتها وقـريـتها ستطيب لي مصافحه الجمال حتمآ معآآآك على الرحب والشعر بنتظارك يالغالي |
| الساعة الآن 07:15 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010