الثانية (الخياط)
 

اليوم من خياط نركض لخياط ،
ندور لثياب الحريم الخياطه
بحاجاتهن نقمز سريعين ونشاط ،
وحاجاتنا ما نقظيه باالبساطه
وكل حفلتآ نفصل من الخام له غاط ،
والحفلت الاخرى يجي دور غاطه
معها مديلآ يختلف نقش ونقاط ،
وتطريز يضفي من شليله لباطه
ونوعآ بها قاسي ونوعين مطاط ،
وشروط لازم نلتزم بشتراطه
واليا عصيته واللعت بك بشخاط ،
ثارة عليك من الزعل واستشاطه
تصفق لهاته كنها صفق ملقاط ،
وعيونها يكثر عليك التقاطه
تيبس لحاضك باالملآلآت وغلاط ،
وتدوخك بمجادله مع غلاطه
وكانك ضربته انت والقرد بشباط ،
كل الحكومة صار ضدك نشاطه
باالسجن والتحقيق مربوط برباط ،
يدك ورجلك باالكلبشت رباطه
يحكم عليك الشيخ جلدآ باالاسواط ،
ولاينفعك جاه العرب والوساطه
وهي ماتنازل كود محزم ومزناط ،
شريتين من الذهب واحتياطه
مع التعهد وان تعودتها تلاط ،
حتى تأدب عن سلوب العباطه
ومسيارهن نشري مع الحب شقلاط ،
وكيك وحلاوآ يستتم اختلاطه
يقظن عليه بساعتآ ضحك وخراط ،
والبزر فوق الفرش و إيضا بلاطه
لعبآ بنا لعب الرياضي باالاشواط ،
وشابت لحانا من سببهن حماطه

[align=center]

لله درك ياصهد الشمري ..
كالعاده رائع .. مبدع .. مذهل .. ساحر !
بما تطرح ,, وبما يفيض به بوحك .. !
صح لسانك تراليوووووووووووووون.
[/align]

صح بدنك وعافاك الله وعجزت اقراء اسمك انكليزي

هههههههههههه
صح لسانك وجاد نظمك

لاهنت ولاهان راسك

تحياااتي

صهد الشمري


صح لسانك وعلا شانك


قصيده رائعه ومرحه وتحاكي واقع النساء...


سلم قلبك ونظمك ولاهنت


دمت بالف خير


تحياااتي لك

صح لسانك اخي العزيز : صهد الشمري

قصيده رائعه وواقعيه الى حد كبير

ودي يسبق ردي

صح بدنكم و اشكركم جميعآ و اعدكم باالمزيد

اكرر شكري وتقديري للجميع

شكرآ اخوي على هألكمات الطيبه وصح بدنك اتمنى لك التوفيق