الشعر للناس
 

[poem=font=",6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] اكتب وجع اكتب ولع اكتب أحساس=اكتب عن أحساس البشر بأي طريقه
هذا الشعر ماهولاجل ناس عن ناس=أهـم شئ انـك تقول الحـقيـقـه
هذا الشعر لاقاله أنسان حساس=يثمر بمن يسمعه ويبل ريقه
الوزن والقيفان ماهي بمقياس=لصار شعرك مايفيـد الخليقه
خلك لهم في عتمة الليل نبراس=وأحذر تغـوص بلجـة ماتطيقه
ولاجاك زلة قل لمن جاك لاباس=الشهم هرج(ن) بالقفاء مايعيقه
حتى لو أن الناس سادت به خساس=الطيب يبقى بالعرب له بريقه
أحرص على جمع البشر وارفع الراس=اللي يحب الخير ينصح رفيقه
وأحذر تكون بفعلتك مثل جساس=فرق بني عمه بذبحة شقيقه[/poem]

فلاح العايد

فلاح العايد


صح لسانك وعلا شانك


قصيده جزله من شاعر جزل


سلم فكرك وبؤؤح قلبك الله يعطيك العافيه


دمت بالف خير


تحياااااااااتي لك

هذا الشعر ماهولاجل ناس عن نـاس

أهـم شـئ انـك تقـول الحقيـقـه

هذا الشعر لاقالـه أنسـان حسـاس

يثمـر بمـن يسمعـه ويبـل ريقـه

ياسلام عليك
لله درك صح ثمك على هالشيخه

كتبت فابدعت

يعجبني الاختصار المفيد لايصال الفكره

قد لااتفق معك في قولك ان الوزن والقيفان ماهي بمقياس ؟؟

وارى ان اساسيات القصيده الاربع مكمله لبعضها البعض

للامانه يافلاح
انت رائع
وقصيدتك موزونه ومقفاة
وفكرته ومعناه اروع

دمت بخير

فلاح

صح لساانك ع القصيدة الرائعه

اخوي فلاح
عزالله ماثصرت
عساك للقوا
ويسلم بوحك
ننتظر جديدك

قصيده رائعه
بكل المقاييس
ماشاءالله أحرف لها بريق خاص
صح لسانك
وبيض الله وجهك
وتسلم يمينك من كل شر
دمت بخير لاينتهي

صح بدنك

شهادة أعتز بها

من قال يسلم

مرورك اسعدني وشرفني

صح بدنك

رأيك ومرورك نور المكان

مرورك ورأيك يضيف للنص وهج وألق

كم أنا سعيد بهذا المرور الذي دائماً

يدفعني ويحفزني للاستمرار هنا


صح بدنك

مجرد أن تعجبك القصيدة هذا في حد ذاته وسام أعتز به

بخصوص ماقلت لايخفى عليك وجوب ربطها بالشطر الأخر

فلو كتب الشاعر نص موزون ومقفى ولكن بلا معاني ساميه

هل نعتبر هذا شعر ؟ أنا لا أعتبره شعر.

قد يقول البعض شعر ,لكني أبحث عن المعنى وأدعو له

وللإمانة حضورك هنا يعني لي الشي الكثير

وشهادتك في النص محل فخر وأعتزاز

صح بدنك

حضورك الأروع