بسم الله الرحمن الرحيم

السلام عليكم ورحمة الله وبركاته

اطرح لكم قصيدتي هذه وان شالله تنال اعجابكم :

قصيدة عن اليوم الوطني للمملكة العربية السعودية





[poem=font=",7,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اليوم هذا غير عن كـل الايـام=يوم الفرح عم بنواحـي بـلادي
يوم الوطن في دولتي مهد الاسلام=افرح واشارك بالبيوت الجـدادي
عم الفرح وافرح كما فرحه العام=عيد الوطن ياخوك ضمن العيادي
في ظل اخو نوره رجا كل منضام=الليث ابو متعب شريف المبـادي
فرز الوغا ذيبٍ على الضد لطـام=امحنك قايد علـى الديـن قـادي
حاكم ولد حاكم ومن صلب حكام=نسل الذي يوفون فوق الجيـادي
بلادي الي حبهـا فـاق الارقـام=اعشق ثراها والحضر والبـوادي
اقصد بها واذيعها عبر الاعـلام=بثه مباشر ياعرب مـن فـوادي
المملكه دار الكـرم دار الاكـرام=حبـه بقلبـي دايـمٍ بـزديـادي
وللمملكـه حنـا جنـودٍ وخـدام=من دونه البندق وحـد الهنـادي
مير اطلب الي للخفيـات عـلام=يحفظ بلادي من شرور الاعـادي
ويفكها مـن شـر حاقـد ونمـام=شر الخبيث الي يغـث العبـادي
وليا حصل تاصل لبو متعب شمام=مشاعري ياخوك هـذا مـاردي
وصلاه ربي عد من صلى وصام=على النبي وعـداد ماسـال وادي [/poem]



اخــوكــم / مــتــعــب الــلــغــيــصــم الــشــمــري