ملهمتي
 

[poem=font=",5,orangered,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

كثروها وش تبي بنشر القصيد=دام ماتنشر وصوف الملهمه
هات لحظات بهايذوب الجليد=من حدود اللمس حتى السلهمه
وارسم اللحظات بأسلوب جديد=القصائد دون عذرى معتمه
مالك ومال السياسة ماتفيد=دايم دورب السياسة مظلمه
شف جماهيرك قليل ولاتزيد=وأنت عندك شعر فكرك يظلمه
البشر ملت من الفكر العنيد=اركب الموجة وعيش العولمه
التفت للمدح ويزيد الرصيد=عيشة الحاجة تراها مؤلمه
كثروها وكل يوم(ن) له نعيد=ماأبي شهرة ولاأبي مكرمه
يابشر ماني بهالواقع سعيد=صعب أنا أتقبله وإلا أفهمه
أمتي تنهان والظالم يزيد=ذنبها اسمه واسمه مسلمه
كيف ابنسى واوصف لهالناس جيد=أوشعر أو خد وإلا مبسمه
يابشر هالشعر هو نبض الوريد=غيرة بالقلب شعري ترجمه
المشاعر صعب تتقيد بقيد=لا بغيت أكتب تجيك مدرعمه
ودي اترك وأتجنب هالقصيد=بس كيف؟وأمتي لي ملهمه
[/poem]
فلاح العايد

صّح لسآنكـ ويسلم بنآنك
شاعرنا القدير \ فلاح العايد
ابيآت فاقت حد الجمآل
لما تحمله من الوفاء
والاحسآس الصادق
ونص راقي عذب الاحرف والكلمات
دمت ودام لنا قلمك ونبضك
وننتظر جديدك دوماً ..
طبت كمآشئت ,,

الله عليك وعلى هالوفاء والصدق
الغير مستغرب من انسان يحمل هموم امته
صح لسانك واعتلا شانك

في كل جديد تبهر العقول بحرف ناضج
وفكر رشيد
حروفك تبقى رمز للحب الصحيح
صح لسانك على هالمدآد النقي
واصل جميل التميز ووافر التألق ...

فلاح العايد

صح لسانك وعلا شانك وسلمت ولاهنت

وبيض الله وجهك على النص الراقي..

صح لسانك
ابيات رائعه وحضور اروع
بشوق لجديدك
http://hmalil.com/vb/images/smilies/...1195975150.gif

صح لسانكـ
ودام نبض قلبكـ
ايه الغيــورفي زمن
لاحول ولاقوه الابالله
كل شخص ومقدرته
تحمل قلم غيور على أمته
قلم يعبرعن رفضكـ لوضع الاذلال
هنيئا لنا بكـ وهنيئا لكـ بنفسكـ العزيزه
احتراماتي لشخصك القدير

صح بدنك

شاكر لك حضورك المميز

صح بدنك

سعدت بمرورك ورأيك

وفي كل مرور لك يزداد المكان نور


صح بدنك