يمكن نزور المقابر
 

ياصاحبي لاتذكر أنك مسافر
وإلا نويت الهجر ياكامل الزين
انا على فرقاك يازين صابر
أرجيك مهما كان لو الدهر شين
أرجيك رجوى اللي به الحظ عاثر
ولاله صديق ن ينتخي به على الدين
خلوه ربعه يوم يبس الحناجر
لاكن برجوى الله رب المصلين
لاتتركيني بأوسط الطرق حاير
حني علي يابنت الاجواد تكفين
من شان عينك أقضي الليل ساهر
ولجلك بعد ضحيت وأنتي تخبرين
حلفت انا عقبك من البيض أعاشر
لو يستمر فراقنا شهور وسنين
يامنيتي يامهجتي بنت أكابر
بنت الذي فعله رفع روس الادنين
الدم بعروقي من الجرح غاير
وعيا يسير من القهر بالشرائين
ان طولت يمكن نزور المقابر
وأقضي حياة مولعن بين نارين
وأن ساعد الله بالعفو للعنابر
يهون بعض الشي عند المساجين
وبك ألتقي لو إنك الحب ناكر
وأذكرك بأيامنا الفايته وين
ثم تذكرين أيام فيض المشاعر
وأيام كنا عن المشاوير لاهين
وأدعي لك التوفيق وأقول باكر
يمكن يجي يمكن تضيع العناوين

محمد حمدفياض الرمالي

الغالي

صح لسانك وعلا شانك

ابيات جزله من شاعر رائع

يسلم راسك..

**عذرا الغالي لنقل القصيده اتمنى تنوه مره اخرى اذا كانت بقلمك**

شكرا لك جمال انتقائك
وحسن اختيارك
جل التحايا لك ..

انتقاء اكثر من راائع
سلمت على الطرح الجميل
ويعطيك الف عافيه

صح بدن الجميع

والله لايهينكم
وسعيد بمروركم



وأقول لأخوي كبرياء الطنايا
ليه تنقل القصيده
هذي لي
وليس منقول
وأسمي الحقيقي محمد
ولقبوني حميد من اجل
التمويه وعدم الأشتباه


ولاكن عليك إعادتها للقسم

الله لايهينك يالغالي

آبيآت رآئعه

صح لسآنك .. ولآهآن شآنك



لآعدمنآك

كلمات رااائعه وجميله

يعطيك العافيه ولا هنت

شفق
صح بدنك
وحياك الله



مع جزيل الشكر

حبي طلال
هلا حياك
والله لايهينك

والدائع مرورك

ويامرجبا