|
رد على فريح الحسن
بسم الله الرحمن الرحيم هذه القصيده جتني من الشاعر \ فريح حسن بن مسمار الشمري (يقول) سلمولي على مشعل كثير الســــلام (1) وبلغولي جنابه بالتحيـــه كثيــــــر قولتن من ثمان اسنين وازود بعــام (2) مانظمت القصيد ولا لقيت الشويـر شحة المفردات ولا قويت الكـــــلام (3) المصيبه جلل والله بحالي بصيــــر ماقويت ارثي المرحوم والله حــرام (4) والسبب عبرتن بالصدرعية تسيـر واخره طالبك يارب محي العظـــام (5) ترحمه يالطيفن في عبادك خبيــــر وترحم الخال ابو مشعل وكل الانام (6) من عبادك على التوحيد مالك خشير وهذا رد الشاعر / مشعل عسام التريباني الشمري خطك اللي وصلني زاد حالي هيام (1) حشرج الصدر مني بالعباير كثيــر يابو ماجد عقب فرقا الحشام الكرام (2) كل يوم العباير تزدحم بالظميــــــر راحو اهل الرجوله والكرم ياحـرام (3) اطلب الله لهم ياخوك حسن المصير ياعساهم بجنة عدن دارالســـــــــلام (4) تحت ظلن ظليل وفوق نهروغديــر ياذكرت الثلاثه عفت حلو المنــــــام (5) ووجس الصدرمني كن به طق زير اطلب الله لهم ياخوك حسن الختـــام (6) يالله انك تحرمهم علــــــــى زمهرير ابو نواف والوالد لذيـــــذ الكــــــلام (7) وابو مشحن صخي الكف عزالقصير كل ليله يزورن طيفهم بالظــــــــلام (8) واطلب المغفره منذو سميعن بصيـــر يالله انــــــي طلبتك يامنشّ الغمــــام (9) تمسح الذنب عنهم يالسميــع القديـــــر اتذكرسوالفهم ســـــوات الحـــــــلام (10) وكيف كنا لهم بالمعضلـــــه نستشيـر ويوم راحوعلينا الجو عتّم كتـــــــام (11) لو بغينا نشاور مالقينـــــا مشيـــــــــر كن وسط الحشا يركزشديد السهــام (12) والدموع الذوارف غرّقــن النظيـــــــر |
ياعساهم بجنة عدن دارالســـــــــلام (4) تحت ظلن ظليل وفوق نهروغديــر
رحم الله امواتنا واموات المسلمين شاعرنا القدير \ مشعل التريباني صح لسانك على الابيات الرائعه والرد الجزل سلمت يمناك ولاهنت |
اقتباس:
ابياتك صادقة وتلامس الاحساس يااخي في تطلع لجديدك القادم .. |
صح الله لسانك ولسانه
آنت مافيك حيله ماشاء الله مبدع .. |
الله الله عليك مشعل
قصيده راائعه بروعه حضورك سعدت بمعانقتها سجل اعجابي |
صح لسان الشاعرين
والله يرحم اموات المسلم ويجزاك بكل خير تحياتي وتقديري |
صح لسانك
ابدعت وتفننت بالوزن والقافيه تقبل مروري وتحياتي يالعزوه |
صح لسانك على الابيات الرائعه
الله يعافيك على جمال نزفك |
شكرا للجميع على المرور والاطرى الله لايهينكم
|
عشت وسلمت وصح لسانك ملايين
لاتحرمنا جديدك |
| الساعة الآن 09:25 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010