اِغْروْرقتْ عِيني بدمْعة شوق للرّيم الجفُول =والآهة بصدْري تِوالتْ مِنْ ترادِيد السّؤال
مال السّنين الجِرْد قحْط ٍ معْ جِفاف ٍ معْ مُحول؟=ياكُود مِنْ لحْظه بها يرْوى المعنّا مِن زِلال
لحْظه بها يرْشفْ نِدى نظْرات مِنْ طرْفٍ خجول= مِسْقِيه طبْع ٍ لا وربّ البيت مِثْلهْ بالمُحال
فِعْلاً مُحال اِتْشابَه الرّيم الجفول ولا يِطُول= غيره لقلب ٍ هامها من عمْر فات ولا يزال
ياوينها ؟ مدري؟ علام الوضْع حاكِمْه الخُمُول =أوْ وِشْ سِببْ غفْلات روح الرّوح عِنْ ذاك المِجال
جسْر التّواصِلْ بيني وبينه إذا جاد بهطُول = يِحْيِي براعِمْ ميّته شوق ٍ ووجْد ٍ وانْشِغال
ويِرْوى زُهُور ٍ ظاميه ومْلمْلمِه ثوب الذّبُول = ويِسْقى عُرُوق ٍ ماهوتْ غير المنوّفْ بالكمال
يالرّيم ذاه الشمّري جا لك بفعْل ٍ قبْل قُول = وِمْفتّلْ اشْناب الوِفا لِكْ ماهُو بقُول ٍ يِقال
جاء لك غلا جاء لك وِفاء جاء لك جِماعات وفُلُول = جا لك بقلب ٍ ماهوى غيرك وربّي ذا الجلال
تكفين قوليها.. (هلا واضْمن خفوق ٍ للجُفُول) = إنّه فلا ينْبضْ لغيرك وِدّ لو طال الجِدال