الويبار
 

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشمس ماتحجب بستره وغربال=من عزها غطت جميع الميادين
شبهت عز الشمس بأفعال الابطال=ربعي هل الطولات سم المعادين
ويبار نسل احرارمن ماكر(ن)عال=زحول الرجال اللي على الموت جسرين
صولاتهم يوم الملاقى والاهوال=ترجح بكفتها جميع الموازين
صغيرهم تروي بطولاته اجيال=وكبيرهم يسوى شيوخ وسلاطين
حمّاية التالي من الجال للجال=في ساعة(ن)غنى بها الهم والبين
صفران ذربين المبادي والافعال=فكاكة المظيوم بالموقف الشين
افعالنا دايم عظيمات وجزال=دايم على فعل الجزيلات شفقين
مواقف الويبار تضرب بها امثال=ويشهد لنا التاريخ بالعسر واللين
موجود فعل الطيب فينا ولازال=ثابت وراسي من هكالحين للحين
من قبل دور الشيخ حلّال الاشكال=راع المليحا اللي فعوله براهين
خيّال لكن ماهو ايات خيال=كلن يهابه من قريب وبعيدين
نداء وريث المجد تشهد له اجيال=كنه ملك يتليه جمع السلاطين
له هيبة(ن)يشهد لها حتى الابطال=لأقبل على العدوان صاروا مساكين
محنك وفارس حكيم(ن)بالاقوال=ياقال قول(ن)صار درس وقوانين
وانا من اللي فعلهم كنه جبال=اللي بلحظات المعارك مجانين
اللي بنوا تاريخ الامجاد تمثال=ربعي على المعروف والطيب ماشين
ويبار ساس الطيب في كل الاحوال=افخر بهم لاقالوا الناس من وين
[/poem]

[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ويــبــار نــســـل احــرارمـــن مـاكــر(ن)عــال=زحول الرجال اللي على الموت جسرين
صــولاتـــهـــم يــــــــوم الـــمـــلاقـــى والاهـــــــــوال=تـــــرجـــــح بــكــفــتــهــا جـــمــــيــــع الـــمــــوازيــــن

[/poem]

والله
وألف مليون نعم بك وبربعك
أخي محمد العواد
قرأت هذه الفاخره .. فسمحلي بحجز مقعد أول

..ونعم بك وبهم
صح الله لسانك وعلا شانك يالشاعر

صح لسانك وجاد نظمك

لاهنت ولاهان راسك

تحياااتي

والنعم والف نعم
سلمت ياراائع
ابدعت واجدت الحضووور
الف صح لسانك
ودام بوووحك الراقي

صح لسانك ولاهنت

ونعم فيك وبجماعتك

تحيااتي لك

والنعم بك وبهم
شاعرنا الرائع | محمد العواد
استهلت الصفحه برذآذ حرفك
نص راائع وشامخ
اغدقت علينا بنبضك
شعر وشعور
فصح لسآنك ملآيين وسلم بنانك
ودمت للجمال والرقي عنوان
وسنظل بأنتظار راقيه لك أخرى ..
ولاهنت,,

قصيده لا تحتاج شهادة أحد وافيه وجزله,,
صح الله لسانك وسلم الله بنانك
ونعم فيك وفيهم

ياعنك يالويباري انك الجزل


صح كلك

:

ويبار ساس الطيب في كـل الاحـوال

افخر بهم لاقالـوا النـاس مـن ويـن

ويبار وهـ يابعد حيي والله :)
والنعم والنعم .. وياليت ويبار هلن لي
أشهد بالله انك كفوووووو لافض فوك ي الذيب وصح لسانك ملايين
بشوق لجديدك شاعرنا
وعساك ع القوهـ



:

[BIMG]http://www.al-majmaah.net/vb/imgcache/2244.imgcache.gif[/BIMG]




[BIMG]http://www.al-majmaah.net/vb/imgcache/2247.imgcache.gif[/BIMG]