|
غيمة فكر
بسم الله الرحمن الرحيم الشاعر\ مشعل عسام التريباني الشمري ((غيمة فكر)) ياغيمة الفكرهلي واروي القاع سيـــل (1) وهاتي من الشعر مايتحف سموع الرجال هلـّي بعذب القصيد اللي كما السلسبيل(2) واروي خصيب النفوس من القراح الزلال البارحه قمت افكـّر بالزمان المهيــــل (3) وشلون بعض الاوادم يرغب الانحـــلال يشبه لغصنن ليا هب الهوا به يميــــل (4) مع هوج الارياح تصفق به يمين وشمال ناسن تخلـّت عن الشيمه ونهج الخليـل (5) والبسهم الغرب جلباب الخنا والظــــلال تقليد الاعدى على الاسلام شيّن دخيـل (6) ماكان يعرف قبـــل تقليد تلك الهــــــزال مايرغب الهزل ياكود الظمير العليـــل (7) اللي بشئم المعاصي داخل القلـــــب شال اقرو تواريخكم ياقليـّلين الحصيـــــــــل (8) امجاد الاسلام دايــــم باقيه لاتـــــــــزال اقرو تواريخ ناسن سوو المستحيــــــل (9) شهد لهم محكم التنزيل فـــي كل حـــــال امثال خالد عدو الشرك سيفن صقيـــــل (10) اللي قطع دابر المشرك بحد الســــلال سيف الله اللي على الكفار حدّهـ سليـــل (11) اللي برز في فعوله في نهـــــار القتال في خدمت الدين باع الكثر واوى القليل (12) لانه يعرف ان نفسه مقتفيها الـــــزوال والدايم الله والعالم مداهــــا الرحيـــــــل (13) اعرف ترى كل نفسن حدّها الارتحال ياكبرها من مصيبه كان ضاع الدليــــل (14) مع جمع ناسن يحطون العدا راس مال اقسمت باللي وسر بالليف عسب النخيل (15) اني عليكــم شفوق وصادقـــــن بالمقال وازعل اليا شفت مسلم عن طريقه يعيل (16) لان البنا ياتفكــك صارفيـــــه اختـــلال وازعل اليا شفت بالبنيان شيّن يميـــــــل (17) وش عاد لوهم يسمونـــي سريع انفعال يالله يا المعتلي وانت القديـــــر الجليــــل (18) الطف بنا يااله الكــون يـاذا الجــــــلال ياحسبي الله على الاعدى ونعم الوكيــــل (19) كم ضيعو نفس مابيــــن الامل والمحال |
الله عليك ..
صح لسانك ملااااايبن ولا هي تكفيك .. قصيدة جزلة من شاعر جزل .. لا هنت ياراسي |
صح لسانك وجاد نظمك
لاهنت ولاهان راسك تحياااتي |
نثرت بين ايدينا انواع الجواهر ؛ تأملت روعة بريقها الذي يسلب الألباب ويجعلنا لانمل من النظر إليها ؛ دمت ودام نبض قلبك ونزف قلمك السيال؛؛؛؛ ارق التحايا لروحك الزكية |
مشعل
صح لسانك ملايين ولاهنت قصيده شامخه من شاعر شامخ ببض الله وجهك وسلمت تحياااتي لك.. |
ابو عبدالرحمن صح لسانك ايها الشاعر الجزل الحكيم دمت ودام هذا التوهج الفاخر بالموعظه لك تحياتي |
شاعرنا القدير| مشعل التريباني
نص راائع وجزل وحكمه ومعنى فصح لسآنك ملآيين وسلم بنانك سلمت ولاهنت ,, |
[align=center][table1="width:95%;"][cell="filter:;"][align=right]
لله درك ي اَبو عبداَلرحمن اَنشهد إنك كفيت ووفيت بـ اَلقصيدهـ واَلله يكتب لك اَلًَاجر فيهاَ راَقت لي اَبياَتك شاَعر جزل [/align][/cell][/table1][/align] |
شكرا للجميع على المرور والاطرى الله لايهينكم ايها الاوفيا
|
صح لسانك ابيات عذبه
[BIMG]http://www.al-majmaah.net/vb/imgcache/2245.imgcache.gif[/BIMG] |
الشاعر الكبير / مشعل التريباني أروتنا هذه الغيمه .. وأمتعنا هتانها الطاهر صح لسانك .. في قصيدتك فوائد تدّرس .. لله درك |
[align=center]
صح لسانك بارك الله فيك وعسى الله مايحرمك الاجر يابو عبدالرحمن مبدع في كل حالاتك الله يطول بعمرك تقبل ودي وصادق ردي [/align] |
شكرات للجميع على المرور والاطرى الله لايهينكم
|
شاعرنا
مشعل التريباني صح لسانك كتبت فصدقت بحق.. وجعلت لنا عنواناً يدهشنآ.. وحروفاً تغني باسمى الروعة والذهلة.. دمت بخير حنوووونه |
| الساعة الآن 10:14 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010