ضيقة شمالي
 

[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] يم الديار اللي ثرى تربته غير=يهزني شوقٍ هتف بين الاضلاع
امد شوفٍ يسبق الريح والطير=وارقب على روس المراقيب ملتاع
انثر شعورالحزن عبره وتعبير=لامرني في سكنت الليل ذعذاع
يهوم قلبي من بلا ياعسى خير=وانا على حد الرزانه والاقلاع
بي جرح ماتخفيه بعض المعاذير=كنه ملك قلبي على رووس الاصباع
وين انت ياللي ماتهاب المشاوير=الحق ترى صبر المقاريد قطّاع
شفني طواني ماطوى راهب الدير=في عزلتي ضايق ومنهك ومرتاع
هذي سنه مالي على الوضع تغيير=روتين مابشر بتحسين الاوضاع
ابي معك وانا خوي المناعير=يوم الردي يلبس على عيبه قناع
الله يسمح دربنا بالتياسير=ومن حط يمناه الوفيين ماضاع
اليا مشينا ماحسبنا المخاسير=نرمي ورانا للزمن كل الاوجاع
على الذي وان صار جوك معاصير=مدري يشيل القاع والاعلى القاع
الرنج لوانك تسوق الدنانير=ماهو خساره بين شاري وبّياع
من هيبته تشخص عيون الجماهير=صيته بلا حملة دعاياتهم ذاع
يعطي شعورانك بصف المشاهير=تحس بشعورالفخامه والامتاع
اليامشى ياقف على شانه السير=زعيمٍ له تقدير في كل الاصقاع
والياعرض تقول للرنج تفكير=يمد شوف ويضرب اخماس وارباع
لكن اليادققت لوح ومسامير=تصميم ناسٍ بالصناعه لهم باع
الغرب مسرح للغوى والمزامير=لكنهم بالعلم قدوه ومرجاع
وحنا مابين؛ العولمه ؛والهوامير=صرنا ندافع (بالامل) كل طماع
لكن اليا جتنا صدوف المقادير=نبحر عن الضيقه بلاريح وشراع
تسوقنا والعذر مافيه تبرير=(ضيقة شمالي )ضاق وفجوجه وساع
واطلق عنان العاطفه والتعابير=ترسم على وجه الورق رسم الابداع
من شاعرن لامن ورد جمة البير=يجلب قصيدٍ جزل من كل الانواع
وغير الدياراللي ثرى تربته غير=مالي هوى والشوق ضاري وبتاع[/poem]

شاعرنا : سعيد العمودي
وقسمات مبدع وبقوه سلم الله لسانك
قصيده رائعه بروعتك

سعيد العمودي
صح لسانك وسلمت يمينك
رائعه امتعتنا بها كل الشكر لك
ارق التحايا لك

سلم هالبوح
صح الله لسانك العمودي

صح لسانك
وتسلم يمينك ع القصيده الرااائعه .

الف صح لسانك سعيد العمودي

تقبل مروري واعجابي

صح لسانك ارق سنود سعيد العمودي
ابدعت
ياشاعرنـــا وعساك على القوووة بالتوفيق وعساك
دوووم للأعلى

سعيد العمودي عجبني ابداعك بالوزن والقافيه
سلمت وسلم نزفك الراقي

ولد العم ياعساك سالم وغانم ماقصرت شاعرنا
فالك البيرق

:

صح لسانك وطاب فالك
شاعر فــذ وهذه الابيات دليل على شاعريتك
لاهنت على هالنص الابداعي وتقديري لسمو شخصك الكريم
لله درك
:)


:

قصيده شيخة والله
سلم لسانك
على رائعتك