الى من شابهت الرجال بمواقفها ( درة الاجواد )
 

[poem=font=",6,green,bold,normal" bkcolor="green" bkimage="http://www.b3b7.com/vb/mwaextraedit2/backgrounds/196.gif" border="groove,6,green" type=0 line=0 align=center use=ex num="0,black""]

ياهاجسي ابدع جزيلات الاوزان=سجل قوافي من ضميري عذيه

على الذي خده كما برق الامزان= ولا ,, كما ضي القمر بالمسيه

فيها جمال الشرق مع زين الاسبان=وفهم ورزانه وفوقهن جاذبيه

مشاعل اللي كنها ريم غزلان=خشف ٍ يقود الصيد بأرض ٍ خليه

ياعود موز ٍ نابتن وسط بستان= ومنين مامال الهوى مال فيه

متواضعه ماغرها الجاه يافلان=وفيها شموخ اجبال سلمى الابيه

وفيها الطنا من صفوق في بعض الاحيان=مورد فلول الفرس حوض المنيه

متورثه الطيب من كل الاركان = مع هيبة الأشراف وشيمة بنيه

حازت على حب القرايب والاخوان=طبعه حشيم وفي وعوده وفيه

به ميزتـ(ن) فعل الجمايل والاحسان=قلبه رحوم وبالكرم حاتميه

مهرة اصيله من سلايل كحيلان=بنت الذي بالضيق يثني لـ خويه

عريبة الأنساب والساس جربان=أهل المفاخر والشرف والحميه

خلفت الباشا من مواريث فرحان =الهيلع القرناس الحر الشفيه

عمه سعود اللي على الطيب شفقان =ريف الفقارا بالسنين الرديه

وصلاة ربي عد حروف ٍ بـ ,, قرآن =على النبي مني سلام وتحيه
[/poem]

تستاهل وصح السانك ملايين على ها البوح الروعه وفقك الله ولا عدمناك

الشمريه

صح لسانك وسلمتي

الله يعطيك العافيه

دمتي بخير

بنت السناعيس ياعلي مابكيك

صح لساااانك والله الشمريه
ماننحرم
من هالابداع

حي الله سواها قلبي

صح الله بدنك وكلك ذوق طال عمرك

تشرفنا بمرورك المميز

تحياتناااااالاخويه

تسلمين ويسلم نبضك شمريه
فديت عمرك وربي

صح لسانك
شاعرتنا الرائعه الشمريه
للأبيات الرائعه
والنص العذب
انسكاب حرف جميل ووافي
واهداء جميل بحق من تستحق
سلمتِ ,,

صح لسانك مليون ولايكفون تستحق التقييم من جد
وتستاهل بنت الاجواد هذه الرائعه من سموك

تستاهل التكريم هي بنت الأجواد .... وتستاهلين الجود يالشمريه
تقبلي ردي وودي وتقييمي

صح لسانك يالشمريه
وتسلم يمينك على هالقصيده الراائعه .