|
لاتحاول تلمس النار بيديك تحرق
بسم الله الرحمن الرحيم الشاعر\مشعل عسام التريباني الشمري ((لاتحاول تلمس النار)) واحـــدٍ مايتكن العــوم بالبحــــــــر المديد (1) يدركه موج البحر لين باليم يغـــــــــرق لاتهوم اليم فــــي مـــــركبٍ مهـــــو جديد (2) ولاتخايل بارقٍ عند غيرك لو بـــــــرق لاتناظـــــر بارقٍ ناض عــــن دارك بعيد (3) ولاتحاول تلمس النار بيديك تحــــــــرق الشعــــر مــــوروث مهـــــو دراسه يابليد (4) يانوينا نطرق القاف محدٍ له طـــــــــرق انظم الاشعار وابطــــــــش بكفٍ من حديد (5) كن شعري رمح ابازيد يامنّـــــــه زرق ماتحذيت القصــــايد عـــمــــــر والاّ عبيد (6) ولهو انا اللي كبّر الجسم في لبس الخرق احترم حالك وجــــنّب ولا تحاول تعـــــيـد (7) الشجر مايدّرق فيــــــه ياكود السمــــــق انت ياللــــــي مهنتك تاكل اعراض العبيـد (8) عايفٍ لحم الذبابه ولاعفــــت المــــــرق الدوى مســـــــحون عندي لمن شرّه يزيــد (9) ننشقه ريح الفتيله وعيـــــــــــدان وورق مايجي خطو الردي كود بالضغط الشديـــد (10) لين يطلع من جبينه تلاميــــــــح العرق يدّعــــــــي بالفهم لاكنّ شيطانه عنــــيــــد (11) البشر في نظرته بس شوك بــــــلاورق بــــيّد الاجــــيال كلّه وهــــو عيّا يــــبيـــد (12) ماحصل يفنا عن القاع جعلــــــه للشرق |
ابو عبدالرحمن صح لسانك ايها الشاعر الجزل الحكيم دوم نصوصك اصيله وتحمل كل الجزاله لك تحياتي |
صح لسانك
نص فخم ورائع وتسلم يمينك ولاهانت يسارك دمت بخير لاينتهي |
الاخ نهير نمش شكراللمرور الله لايهينك
|
الاخت الفاتنه شكرالكي على المرور والاطرى
|
مشعل
صح لسانك وعلا شانك سلمت ولاهنت ياجزل.. بانتظار جديدك دمت بخير.. |
الاخ مشعل ارمي لك العقال .. تحيه واجلال واحترام لهذا السمو انا اشهد ان هذا الشعر .. حركت المشاعر يا مشعل ولعبت بحسبة الشجون :) دوووووم وما ننحرم من قصايدك الاكثر من عذبه اخوك / خالد |
الشاعر / مشعل عسام التريباني
صح لسانكـ مدد بلا عدد شاعر جزل ومبدع ولله درك |
صح لسانك
وتسلم يمينك على هالقصيده الرااائعه. |
الله الله عليك ..
وأنا اشهد إنه خسران من يتحداك ياافارس الشعر صح لساانك ملااااييين الشعــــر مــــوروث مهـــــو دراسه يابليد (4) يانوينا نطرق القاف محدٍ له طـــــــــرق انظم الاشعار وابطــــــــش بكفٍ من حديد (5) كن شعري رمح ابازيد يامنّـــــــه زرق ^ ^ كفووووووووووووو لاهنت يابعد راسي |
شكرا لجميع الاخوان والاخوات الافاضل والفاضلات شكرالكم جميعا على الردود الرائعه والمشجعه الله لايهينكما
|
| الساعة الآن 03:09 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010