|
قصيده مهمله بدون نقط
بسم الله الرحمن الرحيم الشاعر\ مشعل عسام التريباني الشمري قصيده بدون نقط اول مره اكتب على هذا الطرق عسا ان تنال اعجابكم ((قصيده مهمله)) هلاهلا مــــــاهل هـــمال الامـــطـــار (1) على الطعوس الحمر واهمل هللــــهــــا واعداد حصو الرمل واعداد الاسطــار (2) واعداد روس اطوالها مع ســـهلهــــــــا الصدر ســــرّه راح ووحا للاســــــرار (3) للسامع اعطا سرّها ماحـــمـــــلهــــــــــا كل الكرم للدار مع مكــــــــــرم الــدار (4) حرٍ علــــــــــى داره كساها حللهــــــــا مكرم كروم المد صـــارم ومــــــــدرار (5) حــــــرٍ عموله صــــــح محدٍ عملهـــــا راع الدلال المكرمه مكـــــرم الكــــــار (6) ماطاوع الحــــــرمه وروحه حكلهــــــا ماصارله حكّا ومـــــرسال سمســـــــار (7) روحه مع الحـــــرمه كساها سملهـــــــا الى سمع حـــس المره واصله طـــــــار (8) طاع المره مــطـــــــواع مهو هملهـــــا الى سمع حسّـــه لحس والع الحـــــــــار (9) حــــــر السموم اسعار حـــــرّه دهلهـــا على الردا وطاّ على العسر الاســــــوار (10) كل المكارم ســـــــوء عمله طـــــملها حط الكرم حطّه سلك مسلك العــــــــــار (11) حط الكرم واهل الكــــــرم ماوصلهـا رام الردا رامه وهــــــــو للـــــــردا دار (12) روحه هــــــواها للردا ماعدلهـــــــــا راعا الردا وده مـــــع الراس مسمــــــار (13) رصّه مع الهامـــــه وعدّل حولهــــــا رصّه مع الهامه ولو صار ماصــــــــار (14) روحه على الطوله حواها كسلهــــــــا |
الى سمع حسّـــه لحس والع الحـــــــــار (9) حــــــر السموم اسعار حـــــرّه دهلهـــا
قصيده رائعه ابداع ماشالله |
اختي مستحيله شكرالكي على المروروالاطرى الله لايهينكي
|
صح لسانك
ابداع وامتاع شاعرنا القدير سلمت يمينك وسلم فكرك ولآهنت ,, |
الله عليك يا مشعل .. ما تجيب الا الجزلات ياهو قاف وسبك شعري ما يقدر عليه إلا الشعار اللي لهم وزن وكار صح لسانك ملايين وفالك ما بغيت وتمنيت يا بعدي تقديري |
صح لساانك يا مشعل
ابياات رائعه واكثر تسلم يمينك يابوي لكـ وودي .. ابن عباار |
الاخت على النيه شكراللمرور الله لايهينك
|
الاخ خالد شكرا لمرورك واطرائك الله لايهينك مرورك شرف لي
|
الاخ بن عبار شكرالك على المرور والاطرى الله لايهينك مرورك شرف
|
الشاعر القدير
مشعل التريباني صح الله لسانك على هـ الابيات الجزله و الرائعه بـ أنتظار كل جديد منك كل الشكر لـ سموك .. |
صح لسانك وعلا شانك على هالجزالة والابداع
الغير مستغرب..بس على هونك على المرة والله يابعض الحريم تسوى شور مليون رجال ...؟؟؟ |
يعطيـــكـ العااافيـــة اخوووي
عالطــــرح الــرااائــع,, لاعدمنـــأإأكـ,, ’’تحيــــــــأأإأإتـــــي’’ |
صح الله لساانك شاعرنا القدير
نص جزل ورااائع لله دررك لاهنت وافر التقدير والاحترام |
شكرا للجميع على المرور والاطرى الله لايهينكم جميع وشكر خاص اختي انفاس الرحيل انا لم اسب النسا لو لاحظتي القصيده زين مافيها مسبه للنسا ولكن اتكلم عن بعض الرجال اللي همه المره فقط ولا يعتني بالرجوله هذا هو الكلام شكرا اختي الفاضله
|
[glow=ffcc66]صح لسانك عوافي لك ع القصيده الرائعه سلمت يارب[/glow]
|
| الساعة الآن 04:22 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010