شقى وهموم وقلة نوم وهم وغموم مجتمعه=ياليت أقدر أخلي هالزمن في يوم ينساني
تذكرني زماني لا.. وزود طينتي دمعه=تذكرني وذكرني غرابيلي وأحزاني
ياكبر الهم في قلبي ياكبره واااثقل همه=جروح(ن) غايره تنزف وسط جوفي تلظاني
جروح(ن) تصطلي بالجوف ولا أنطق أبد كلمه=أخبي عبرتي وأسكت طبعت الصمت بلساني
ياليت أقدر أقول اللي مسيل عبرتي وأدله=وأريح قلبي من ظيم(ن) تولاه وتولاني
ياليت أقدر أقول الحق وأضوي للأمل شمعه=وياليت أقدر أعبر عن أحاسيسي ووجداني
وأقول الآآآآه بالصوت الطويل وكل من سمعه=يحس بآآآآه من أصدق تعابير اللذي عاني
وأطفي الحسره اللي سببت في مهجتي لمعه=سبب هم وسبب ظلم وسبب هجران خلاني