السلام عليكم ورحمة الله وبركاته
اسعد الله صباحكم//مسائكم
وكل عام وانتم بخير جميعا
أضع هذه المتواضعه التي
تم ولادتها للتو واتمنى تروق لأعينكم وذوقكم
واتمنى الاشراف على حالتها

[frame="8 98"]
لو يزرعون الموت من شان ماأجيك
والله وطيته لو تجّرح رجولي

حتى هدب هالعين حظــرة معالــــيك
يفــــــــداك لو كل المخلايق حولي

أن جيت ضايق بالفرح قمت أسقيك
وأروي عروقك ماأشمت عذولي

حظ الشفاه اللي لمسة روعة أيديك
لا واهنــــــي منهو لعـــــينه تعولي

مالوم قلبــــــــي لو يـفز ويحاكيــــــــك
يابسمة الأفراح صولي وجولـــــــي

ناظر عيوني وأعرف أني مســمـــــيك
يافصل واحد يجمع أربع فصـــــولي

فصل الشتاء لاجيت ترجف أدفيك
رجفة وفاء دون الخـــــــيانه تحولي

وأذا كوانا الحّر ياعــين مغلـــــــــــــيك
هذي حرارة شوق لحظة وصولي

بالحالتين العــــــشق يالخل مغنـــــــيك
وبالحالتين أهـواه ياروح قولــــي

قولي الحبيب يموت من دون طاريك
يموت لاروحــــــــت يابعد زولي

ماغير ينظر ساعته مع محـــــــــــاريك
شفت الثواني في غيابك تطولي

ياعلني ياغاية النفس ماأبكيـــــــــــــك
وماأبكي غلاتك لو تزايد حمولي


[/frame]

وسلامتكم...