مدخل /

ما هيب لا قصة ولا هو بموضوع
المسألة فيها فضـآعه بـ فضآعه

من شفتها يا نآس بلحيل مفجوع
يآليتهآ صـآرت اشآعه بـ اشآعه

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
واقعي أحيـآن عشتـه بالخيـال=والخيال احيان عشته في ذهـول
لو حكيت الحب نشوه واعتـلال=والمحبة ماتجي حسب الاصـول
او حكيت الحب غيـره واحتـلال=كلها افكـار فـي ذهنـي تجـول
هي اجابه ما لقت صيغة سـؤال=أو سؤال ٍ مالقينـا لـه حلـول
هي معاني غامضة تطلب مثـال=أو مثال احيان في شرحه يطـول
بس انا قـدّه بتوضيـح المقـآل=والحروف المزن وابياتي سيـول
هـي بنيّـة امتلـت غـيّ ودلآل=أخلت من الكون اجيال وعقـول
لو تأشر بـس باصبعهـآ تنـال=لو بعيد هناك جاها فـي مثـول
وصفهـا يحتـاج أيـام وليـال=وش اقول ووش اخلي وش اقول
لو وصفتـك ارتمـي للانحـلآل=والمصيبه بسمتك في كـل قـول
بسمتك جـرّت حروفـي للهبـال=سرّها بسمات من ثغـر ٍ خجـول
وسرّها نظـرات معهـا لا تـزآل=نآعسـه جـدا ينآديهـا الذبـول
ويآه من صوتك يقـرّب للـزوال=بحّته تكفيـه والهمسـة تقـول
لو تجيني وانـت كلـك انفعـال=رحت منّي ناسي ٍ كـل الفعـول
فاتنـه جـدآ واقـرب للكـمـال=من علـوّك واختيالـك للنـزول
وصدرك اللي لا برز جآني خبـال=كن في قلبـي بـدا دق الطبـول
لا ارتعب يدّيك صارت له غـلال=ولا هجد حسيـت للدنيـا أفـول
وخصرك اللي به نحآله واعتـدال=معتـدل لكـن يناديـه الميـول
ميلتـه باسبـاب أردآف ٍ ثقـآل=مال حتى قلـت ياويـن الحلـول
هذا رقمي ان حصل منك اتصـال=وادري اني منك ضيّعت الاصـول
بس لحظة لا تقول انـك محـآل=ولا تقول ارجوك ياصعب الوصول
خلني ويآك في قـرب ووصـال=وخلّني ويآك في كـل الفصـول
وبالنهاية تـوّ صحيـت ولا أزال=مرتعب من حلم صحّاني بذهـول
كان حلم ٍ في منآمـي أو خيـآل=وانتهى ما فات في وقت ٍ عجول
[/poem]

مخرج /

لا جآك مقبل قلت ميّت من الجوع
ولا راح مقفي قلت مآبه مجآعه

من شفتها يا ناس من قبل اسبوع
ما نمت يا عالم ولا ربع سآعه

نبض / بدر الرحيمي